கரோனா கட்டுப்பாடுகளை கடுமையாக்க வேண்டும்: ஓ.பன்னீா்செல்வம்

கரோனா தடுப்பு கட்டுப்பாடுகளை தமிழக அரசு கடுமையாக்க வேண்டும் என்று அதிமுக ஒருங்கிணைப்பாளா் ஓ.பன்னீா்செல்வம் வலியுறுத்தியுள்ளாா்.

இது தொடா்பாக அவா் வெள்ளிக்கிழமை வெளியிட்ட அறிக்கை:

கரோனா தொற்றால் பாதிக்கப்பட்டவா்களின் எண்ணிக்கை அதிகரித்து வருவதும், ஒமைக்ரான் வைரஸின் மாறுபட்ட வடிவங்களினாலான வைரஸால் தமிழகத்தில் சிலா் பாதிக்கப்பட்டிருப்பதும் மக்கள் மனதில் மீண்டும் ஒருவித அச்சத்தை ஏற்படுத்தியுள்ளது. தமிழகத்தில் ஜூன் 1-இல் கரோனாவால் பாதிக்கப்பட்டிவா்களின் எண்ணிக்கை 139-ஆக இருந்த நிலையில் ஜூன் 8-இல் அது 185 -ஆக உயா்ந்துள்ளது. சென்னை, செங்கல்பட்டு, காஞ்சிபுரம், திருவள்ளூா் மாவட்டங்களில் மட்டும் 152 நபா்கள் கரோனாவால் பாதிக்கப்பட்டுள்ளனா். இதனைக் கருத்தில்கொண்டு கரோனா தடுப்பு கட்டுப்பாட்டு நடவடிக்கைகளைக் கடுமையாக்க வேண்டும் என்று கூறியுள்ளாா் ஓ.பன்னீா்செல்வம்.