ஜூன் 14-ல் அதிமுக செயற்குழு, பொதுக்குழு கூட்ட ஆலோசனை

ஜூன் 23 ஆம் தேதி நடைபெறவுள்ள அதிமுக செயற்குழு, பொதுக்குழு கூட்டம் தொடர்பான ஆலோசனைக் கூட்டம் நாளை மறுநாள் (ஜூன் 14) நடைபெறவுள்ளது என்று அதிமுக தலைமைக் கழகம் அறிவித்துள்ளது.

இதுதொடர்பாக தலைமைக் கழகம் வெளியிட்டுள்ள அறிக்கையில் தெரிவிக்கப்பட்டுள்ளதாவது:

அதிமுக செயற்குழு மற்றும் பொதுக்குழு கூட்டம் சென்னை, வானகரத்தில் உள்ள ஸ்ரீ வாரு வெங்கடாசலபதி போஸ் மண்டபத்தில் ஜூன் 23 ஆம் தேதி (வியாழக்கிழமை) காலை 10 மணிக்கு நடைபெறவுள்ளது.

அதிமுக செயற்குழு மற்றும் பொதுக்குழு நடத்துவது தொடர்பாக தலைமைக் கழக நிர்வாகிகள், மாவட்டக் கழக செயலாளர்கள் ஆகியோர் அடங்கிய ஆலோசனைக் கூட்டம் நாளை மறுநாள் செவ்வாய்க்கிழமை (ஜூன் 14) காலை 10 மணியளவில் சென்னை, ராயப்பேட்டை, அவ்வை சண்முகம் சாலையில் உள்ள தலைமைக் கழக புரட்சித் தலைவர் எம்ஜிஆர் மாளிகையில் நடைபெற உள்ளது.

இக்கூட்டத்தில் தலைமைக் கழக நிர்வாகிகளும், மாவட்டக் கழகச் செயலாளர்களும் தவறாமல் கலந்துகொள்ள வேண்டும்.

கழக ஒருங்கிணைப்பாளரும், முன்னாள் முதல்வருமான ஓ.பன்னீர்செல்வம், இணை ஒருங்கிணைப்பாளரும், முன்னாள் முதல்வருமான எடப்பாடி பழனிசாமியின் ஒப்புதலோடு இந்த அறிவிப்பு வெளியிடப்படுகிறது என தெரிவிக்கப்பட்டுள்ளது.

இதையும் படிக்க | நாளை பள்ளிகள் திறப்பு: சென்னை, பிற ஊர்களுக்கு கூடுதலாக 1,450 சிறப்பு பேருந்துகள் இயக்கம்