தமிழக முதல்வர் ஸ்டாலின் தென்னிந்தியாவின் தவிர்க்க முடியாத தலைவர் என நடிகர் கமல்ஹாசன் தெரிவித்துள்ளார்.
தமிழக முதல்வர் மு.க.ஸ்டாலின் இன்று (மார்ச் 1) தனது 69-வது பிறந்தநாளைக் கொண்டாடுகிறார். இதனையொட்டி மெரீனாவிலுள்ள கருணாநிதி, அறிஞர் அண்ணா நினைவிடங்களில் மலர் தூவி மரியாதை செலுத்தினார். அவருக்கு பல்வேறு தரப்புகளிலிருந்தும் வாழ்த்துகள் குவிந்து வருகின்றன.
அந்தவகையில் இன்று காலை நடிகர் கமல்ஹாசன் ஸ்டாலினுக்கு டிவிட்டரில் வாழ்த்து தெரிவித்திருந்தார்.
இந்நிலையில், அவர் அனுப்பிய வாழ்த்து விடியோவை முதல்வர் ஸ்டாலின் முகநூல் பக்கத்தில் பகிர்ந்துள்ளார்.
அதில் கமல்ஹாசன் ‘ஸ்டாலின் உழைப்பால் உயர்ந்தவர். தென்னிந்தியாவின் தவிர்க்க முடியாத அரசியல் தலைவராக முன்னிறுத்திக் கொண்டவர்’ எனத் தெரிவித்துள்ளார்.