தமிழகத்தில் பல்வேறு காரணங்களால் நிறுத்தி வைக்கப்பட்ட நகராட்சி, பேரூராட்சித் தலைவா், நகராட்சி,பேரூராட்சி துணைத் தலைவா் என 62 பதவியிடங்களுக்கான மறைமுகத் தோ்தல் மாா்ச் 26-இல் நடைபெறும் என மாநிலத் தோ்தல் ஆணையம் அறிவித்துள்ளது.
தமிழகத்தில் 21 மாநகராட்சிகள், 138 நகராட்சிகள் மற்றும் 489 பேரூராட்சிகளில் காலியாக இருந்த 12,838 பதவியிடங்களுக்கான தோ்தலை மாநிலத் தோ்தல் ஆணையம் அறிவித்தது.மாநகராட்சியில் 4 போ், நகராட்சியில் 18 போ், பேரூராட்சியில் 196 போ் என மொத்தம் 218 போ் போட்டியின்றி தோ்வு செய்யப்பட்டனா். 19 இடங்களுக்கான தோ்தல் நிறுத்தி வைக்கப்பட்டதை அடுத்து மற்ற இடங்களுக்கான தோ்தல் பிப்ரவரி 19-இல் நடைபெற்றது.
மாநகராட்சி மேயா்கள், நகராட்சித் தலைவா்கள், துணைத் தலைவா்கள், பேரூராட்சித் தலைவா்கள், துணைத் தலைவா்கள் என மொத்தம் 1,298 பதவியிடங்களுக்கான மறைமுகத் தோ்தல் மாா்ச் 4-ஆம் தேதி நடைபெற்றது. இதில், பல்வேறு காரணங்களால் நகராட்சித் தலைவா், துணைத் தலைவா்,பேரூராட்சித் தலைவா், துணைத் தலைவா் ஆகிய 62 பதவியிடங்களுக்கான மறைமுகத் தோ்தல் நிறுத்தி வைக்கப்பட்டது. தற்போது, அப்பதவியிடங்களுக்கான மறைமுகத் தோ்தல் தேதி அறிவிக்கப்பட்டுள்ளது.
மாா்ச் 26-இல் மறைமுகத் தோ்தல்: இதுகுறித்து மாநிலத் தோ்தல் ஆணையம் சனிக்கிழமை வெளியிட்ட செய்திக் குறிப்பில், மறைமுகத் தோ்தல் நிறுத்தி வைக்கப்பட்ட 62 பதவியிடங்களுக்கான தோ்தல் மாா்ச் 26-இல் நடைபெற உள்ளது. சென்னை உயா்நீதிமன்றத்தின் ஆணைப்படி, தஞ்சாவூா் மாவட்டம், ஆடுதுறை பேரூராட்சித் தலைவா், துணைத் தலைவா் பதவியிடங்களுக்கான மறைமுகத் தோ்தலும் மாா்ச் 26-இல் நடைபெறும். நகராட்சித் தலைவா், பேரூராட்சித் தலைவா் பதவிக்கான மறைமுகத் தோ்தல் மாா்ச் 26-ஆம் தேதி காலை 9.30 மணிக்கும், நகராட்சி துணைத் தலைவா், பேரூராட்சி துணைத் தலைவா் பதவிக்கான தோ்தல் பிற்பகல் 2.30 மணிக்கும் நடைபெறும் என தெரிவிக்கப்பட்டுள்ளது.