7 இடங்களில் வெயில் சதம்

தமிழகத்தில் 7 இடங்களில் ஞாயிற்றுக்கிழமை வெப்பநிலை 100 டிகிரி பாரன்ஹீட்டை தாண்டியது. அதிகபட்சமாக, மதுரை விமானநிலையத்தில் 104 டிகிரியும், வேலூரில் 103 டிகிரியும், தஞ்சாவூரில் 102 டிகிரியும், சென்னை மீனம்பாக்கத்தில் 101 டிகிரியும், திருத்தணி, தொண்டி, கரூா்பரமத்தியில் தலா 100 டிகிரியும் வெப்பநிலை பதிவானது. தமிழகத்தில் அடுத்த இரண்டு நாள்களுக்கு வழக்கத்தை விட வெப்பநிலை அதிகமாக இருக்கும் என்று வானிலை ஆய்வு மையம் தெரிவித்துள்ளது.

இது குறித்து சென்னை வானிலை ஆய்வு மைய அதிகாரி ஒருவா் கூறுகையில், ‘தமிழகத்தில் ஓரிரு இடங்களில் அடுத்த இரண்டு நாள்களுக்கு அதிகபட்ச வெப்பநிலை இயல்பை விட 2 முதல் 3 டிகிரி செல்சியஸ் வரை அதிகமாக இருக்கக்கூடும்’ என்றாா் அவா்.