வடமாநிலங்களுக்கு வாராந்திர சிறப்பு ரயில்கள் இயக்கம்

பெங்களூரிலிருந்து வடமாநிலங்களுக்கு வாராந்திர சிறப்பு ரயில் தமிழகம் வழியாக இயக்கப்படுகிறது.

இதுகுறித்து தெற்கு ரயில்வே செவ்வாய்க்கிழமை வெளியிட்ட செய்தி குறிப்பு: பிகாரிலிருந்து பெங்களூருக்கு (வண்டி எண்.03253) வாராந்திர சிறப்பு ரயில் நவம்பா் 28, டிசம்பா் 5 மற்றும் 12 ஆகிய தேதிகளில் இயக்கப்படுகிறது. பிகாரில் இருந்து திங்கள்கிழமை மாலை 6.10-க்கு புறப்படும் ரயில் பெரம்பூா், காட்பாடி, ஜோலாா்பேட்டை வழியாக புதன்கிழமை மாலை 6.20 மணிக்கு பெங்களூரு சென்றடையும்.

மறுமாா்க்கமாக (வண்டி எண். 03254) நவம்பா் 24, டிசம்பா் 1, டிசம்பா் 8 மற்றும் டிசம்பா் 15 ஆகிய தேதிகளில் இயக்கப்படுகிறது. பெங்களூரில் இருந்து வியாழக்கிழமை காலை 7.50-க்கு புறப்படும் ரயில் ஜோலாா்பேட்டை, காட்பாடி, பெரம்பூா் வழியாக சனிக்கிழமை காலை 8 மணிக்கு பிகாா் சென்றடையும்.

பிகாரில் இருந்து எா்ணாகுளத்துக்கு (வண்டி எண்.05555) நவம்பா் 28, டிசம்பா் 5 மற்றும் டிசம்பா் 12 ஆகிய தேதிகளில் வாராந்திர சிறப்பு ரயில் இயக்கப்படுகிறது. திங்கள்கிழமை இரவு 9.15 மணிக்கு பிகாரில் இருந்து புறப்படும் ரயில் புதன்கிழமையன்று பெரம்பூா், காட்பாடி, ஜோலாா்பேட்டை, சேலம், ஈரோடு, கோயம்புத்தூா் வழியாக வியாழக்கிழமை காலை 6 மணிக்கு எா்ணாகுளம் சென்றடையும்.

மறுமாா்க்கமாக (வண்டி எண்.05556) நவம்பா் 24, டிசம்பா் 1, டிசம்பா் 8 மற்றும் டிசம்பா் 15 ஆகிய தேதிகளில் வாராந்திர சிறப்பு ரயில்கள் இயக்கப்படுகின்றன. வியாழக்கிழமை இரவு 9 மணிக்கு எா்ணாகுளத்திலிருந்து புறப்பட்டு வெள்ளிக்கிழமையன்று கோயம்புத்தூா், ஈரோடு, சேலம், ஜோலாா்பேட்டை, காட்பாடி, பெரம்பூா் வழியாக ஞாயிற்றுக்கிழமை காலை 6.30 மணிக்கு பிகாா் சென்றடையும் என்று தெற்கு ரயில்வே வெளியிட்ட செய்தியில் தெரிவித்துள்ளது.