சென்னையில் மழைநீா் தேங்குவதைத் தடுக்க 741 இடங்களில் மோட்டாா் பம்புகள் தயாா்: அமைச்சா் கே.என்.நேரு

சென்னையில் மழைநீா் தேங்குவதைத் தடுக்க 741 இடங்களில் மோட்டாா் பம்புகள் தயாா் நிலையில் இருப்பதாக நகா்புற வளா்ச்சித் துறை அமைச்சா் கே.என்.நேரு தெரிவித்தாா்.

சென்னை ராயபுரம் மண்டலம், வாா்டு 52, 53 போஜராஜன் நகா், கண்ணன் தெருவை இணைக்கும் வகையில் ரூ. 13.40 கோடி மதிப்பில் ரயில்வே வாகன சுரங்கப் பாதை அமைக்கும் திட்டப் பணியினை அமைச்சா் கே.என்.நேரு வெள்ளிக்கிழமை தொடக்கி வைத்தாா்.

இதையடுத்து அவா் செய்தியாளா்களிடம் கூறியதாவது:

சென்னையில் மழைநீா் வடிகால் அமைக்கும் பணிகளில் 70 முதல் 80 சதவீத பணிகள் முடிவடைந்துவிட்டன. இன்னும் 10 முதல் 5 சதவீதப் பணிகள்தான் முடிக்க வேண்டியுள்ளன. அதை விரைவில் முடித்துவிடுவோம். சென்னையில் மழைநீா் தேங்குவதைத் தடுக்க 741 இடங்களில் மோட்டாா் பம்புகள் தயாா் நிலையில் உள்ளன. எந்த இடத்தில் தண்ணீா் தேங்கினாலும், தண்ணீரை அப்புறப்படுத்துவதற்கு உடனடியாக நடவடிக்கை எடுக்கப்படும்.

தற்போது தொடங்கப்பட்டுள்ள வண்ணாரப்பேட்டை ரயில்வே சுரங்கப் பாதை பணிகள் 18 மாதங்களில் முடிக்கப்படும். இதன்மூலம், வண்ணாரப்பேட்டை, மண்ணடி, பேசின் பாலம் ஆகிய பகுதிகளைச் சோ்ந்த மக்கள் பயனடைவா் என்றாா் அவா்.

அப்போது, இந்து சமய அறநிலையத் துறை அமைச்சா் பி.கே.சேகா்பாபு, சென்னை மேயா் பிரியா, ஆணையா் ககன்தீப் சிங் பேடி உள்ளிட்டோா் உடனிருந்தனா்.