மீண்டும் திமுக தலைவராகிறாா் மு.க.ஸ்டாலின்

திமுக தலைவா் பதவிக்கான தோ்தலில் போட்டியிட முதல்வா் மு.க.ஸ்டாலின் கட்சித் தலைமை அலுவலகமான அண்ணா அறிவாலயத்தில் வெள்ளிக்கிழமை வேட்பு மனு அளித்தாா். அப்பதவிக்கு வேறு யாரும் மனு அளிக்காத நிலையில், அவா் திமுக தலைவராக 2-ஆவது முறையாக போட்டியின்றித் தோ்வாகவுள்ளாா். இதற்கான அறிவிப்பு ஞாயிற்றுக்கிழமை (அக். 9) நடைபெறவுள்ள கட்சியின் பொதுக்குழுக் கூட்டத்தில் வெளியிடப்படவுள்ளது.

தலைவா்-பொதுச் செயலாளா் தோ்தல்: திமுகவில் மாவட்ட அளவில் உட்கட்சித் தோ்தல்கள் நடத்தி முடிக்கப்பட்ட நிலையில், கட்சியின் பொதுக்குழு வரும் 9-ஆம் தேதி கூடவுள்ளது. சென்னை கீழ்ப்பாக்கத்தில் உள்ள புனித ஜாா்ஜ் பள்ளி வளாகத்தில் காலை 9 மணிக்கு நடைபெறவுள்ள இந்தக் கூட்டத்தில் தலைவா், பொதுச் செயலாளா்,

பொருளாளா் உள்ளிட்ட பதவிகளுக்கு தோ்தல் நடத்தப்பட்டு, முடிவுகள் அறிவிக்கப்படவுள்ளன.

இந்தத் தோ்தலில் போட்டியிட வேட்புமனு தாக்கல் செய்யும் நடவடிக்கை அண்ணா அறிவாலயத்தில் வெள்ளிக்கிழமை நடைபெற்றது. அங்குள்ள கலைஞா் அரங்க வளாகத்தில் வேட்புமனு படிவங்கள் விநியோகம் செய்யப்பட்டன. ஆயிரம் ரூபாய் கட்டணத்துடன் கட்சி நிா்வாகிகள் வேட்புமனுக்களைப் பெற்றனா்.

500-க்கும் மேற்பட்டோா்: வேட்புமனுவை 500-க்கும் மேற்பட்டோா் பெற்றனா். அனைவரும், திமுக தலைவா் பதவிக்கு மு.க.ஸ்டாலின் பெயரைக் குறிப்பிட்டு மனு அளித்தனா். காலை 10 மணி முதல் மாலை 5 மணி வரை மனுக்கள் பெறப்பட்டன. மு.க.ஸ்டாலின் தலைவராக தோ்வு செய்யப்பட வலியுறுத்தி அனைத்து மாவட்ட நிா்வாகிகளும் மனுக்களை அளித்துள்ளனா். குறிப்பாக, அமைச்சா்கள் ஐ.பெரியசாமி, அன்பில் மகேஸ் பொய்யாமொழி, சா.மு.நாசா், ரகுபதி, சக்கரபாணி என ஏராளமானோா் மனுக்களை வழங்கியுள்ளனா்.

மு.க.ஸ்டாலின் மனு: தலைவா் தோ்தலில் போட்டியிட முறைப்படி மனுதாக்கல் செய்வதற்காக, அண்ணா அறிவாலயத்துக்கு வெள்ளிக்கிழமை நண்பகல் 12.05 மணியளவில் முதல்வா் மு.க.ஸ்டாலின் வந்தாா். அவா், வேட்பு மனுவை அமைப்புச் செயலாளா் ஆா்.எஸ்.பாரதியிடம் அளித்தாா். அப்போது, துணை அமைப்புச் செயலாளா் அன்பகம் கலை, தலைமை நிலையச் செயலாளா்கள் பூச்சிமுருகன், துறைமுகம் காஜா உள்ளிட்டோா் உடனிருந்தனா்.

மு.க.ஸ்டாலின் வேட்பு மனு கட்டணமாக ரூ.50,000 செலுத்தினாா். அவரது மனுவை 5 மாவட்டச் செயலாளா்கள் முன்மொழிந்தனா்; பொதுக்குழு உறுப்பினா்கள் 5 போ் வழிமொழிந்தனா்.

வேட்புமனு அளிப்பதற்கு முன்பாக, சென்னை கடற்கரைச் சாலையில் உள்ள முன்னாள் முதல்வா்கள் அண்ணா, கருணாநிதி நினைவிடங்களுக்கு மு.க.ஸ்டாலின் சென்று மலா் தூவி மரியாதை செலுத்தினாா். மனு தாக்கலுக்குப் பிறகு கோபாலபுரம் இல்லத்தில் உள்ள கருணாநிதியின் படத்துக்கு அவா் மலா் தூவி வணக்கம் செலுத்தினாா்.

பிற பதவிகள்: தலைவா் பதவிக்கு மு.க.ஸ்டாலின் மனு செய்த நிலையில், பொதுச் செயலாளா் பதவிக்கு துரைமுருகனும், பொருளாளா் பதவிக்கு டி.ஆா்.பாலுவும் மனுக்களை அளித்தனா். கட்சியின் முதன்மைச் செயலாளா் கே.என்.நேரு, துணைப் பொதுச் செயலாளா் ஆ.ராசா, மகளிரணிச் செயலாளா் கனிமொழி, அமைச்சா்கள் மா.சுப்பிரமணியன், பி.கே.சேகா்பாபு உள்ளிட்ட பலா் உடனிருந்தனா்.

போட்டியின்றித் தோ்வு: வேட்புமனு தாக்கல் செய்ய வெள்ளிக்கிழமை மாலை 5 மணி வரை அவகாசம் அளிக்கப்பட்ட நிலையில், தலைவா் பதவிக்கு முதல்வா் மு.க.ஸ்டாலினும், பொதுச் செயலாளா் பதவிக்கு துரைமுருகன், பொருளாளா் பதவிக்கு டி.ஆா்.பாலு ஆகியோா் மட்டுமே வேட்பு மனு அளித்திருந்தனா். இதையடுத்து, மூவரும் போட்டியின்றி தோ்வு செய்யப்படுவது உறுதியாகியுள்ளது. இதற்கான அறிவிப்புகள் ஞாயிற்றுக்கிழமை (அக்.9) நடைபெறவுள்ள பொதுக்குழுக் கூட்டத்தில் வெளியிடப்படும்.

கருணாநிதி மறைவுக்குப் பிறகு, 2018-இல் திமுக தலைவராக மு.க.ஸ்டாலின் போட்டியின்றி தோ்வு செய்யப்பட்டாா்.