இன்று 5 மாவட்டங்களில் பலத்த மழைக்கு வாய்ப்பு

 தமிழகத்தில் சனிக்கிழமை ஐந்து மாவட்டங்களில் பலத்த மழைக்கு வாய்ப்புள்ளதாக சென்னை வானிலை ஆய்வு மையம் தெரிவித்துள்ளது.

வட தமிழகத்தில் மேல் நிலவும் வளிமண்டல மேலடுக்கு சுழற்சியால் சனிக்கிழமை நீலகிரி, கோவை, தேனி, திண்டுக்கல், திருப்பூா் உள்ளிட்ட 5 மாவட்டங்களில் ஓரிரு இடங்களில் பலத்த மழைக்கு வாய்ப்புள்ளது. செப்டம்பா் 4,5 தேதிகளில் நீலகிரி, கோவை, திருப்பூா், தேனி, திண்டுக்கல், ஈரோடு, கிருஷ்ணகிரி, தருமபுரி, சேலம், கரூா் , நாமக்கல், திருப்பத்தூா், மதுரை, திருச்சி மாவட்டங்களில் ஓரிரு இடங்களில் பலத்த மழை பெய்ய வாய்ப்புள்ளது. செப்.6-இல் நீலகிரி, கோவை, திருப்பூா், தேனி, திண்டுக்கல், ஈரோடு, கிருஷ்ணகிரி, தருமபுரி, சேலம், கரூா், நாமக்கல், திருப்பத்தூா், தென்காசி, மதுரை, திருச்சி, வேலூா், ராணிப்பேட்டை, திருவண்ணாமலை, கள்ளக்குறிச்சி உள்ளிட்ட 19 மாவட்டங்களில் பலத்த மழை பெய்யும். சென்னையில் அடுத்த 2 நாள்களுக்கு ஒரு சில பகுதிகளில் இடி, மின்னலுடன் மிதமான மழைக்கு வாய்ப்பிருக்கிறது என அதில் தெரிவிக்கப்பட்டுள்ளது.