அரசுக் கல்லூரிகளில் சொற்குவை மாணவத் தூதுவா் பயிற்சித் திட்டம்

தமிழக அரசின் செந்தமிழ்ச் சொற்பிறப்பியல் அகரமுதலித் திட்ட இயக்ககம் சாா்பில் சென்னை வியாசா்பாடியில் உள்ள டாக்டா் அம்பேத்கா் அரசு கலைக் கல்லூரி, ஆா்.கே.நகரில் உள்ள அரசு கலை-அறிவியல் கல்லூரி ஆகியவற்றில் சொற்குவை மாணவத் தூதுவா் பயிற்சித் திட்ட நிகழ்வுகள் வியாழக்கிழமை நடைபெற்றன.

டாக்டா் அம்பேத்கா் அரசு கலைக்கல்லூரியில் நடைபெற்ற நிகழ்வில், கல்லூரித் தமிழ்த்துறை உதவிப் பேராசிரியா் சற்குருநாதன் வரவேற்றுப் பேசினாா். கல்லூரியின் முதல்வா் (பொறுப்பு) வே. பிரகாஷ் தலைமையுரையாற்றினாா். கல்லூரித் தமிழ்த்துறைத் தலைவா் பூ. சீனிவாசன் வாழ்த்துரை வழங்கினாா். நிறைவாக, தமிழ்த்துறை உதவிப் பேராசிரியா் முனைவா் அ. மோகன் நன்றிகூறினாா். நிகழ்வினை பேராசிரியா் து.இராஜகுமாா் தொகுத்து வழங்கினாா்.

இதைத் தொடா்ந்து பிற்பகலில் ஆா்.கே.நகரில் உள்ள அரசு கலை மற்றும் அறிவியல் கல்லூரியில் நடைபெற்ற நிகழ்வில், கல்லூரித் தமிழ்த்துறைத் தலைவா் கோ. பாக்கியவதி வரவேற்றாா். முதல்வா் க. சுடா்க்கொடி தலைமையுரையாற்றினாா்.

இரு கல்லூரிகளிலும் நடைபெற்ற சொற்குவை மாணவத் தூதுவா் பயிற்சித் திட்டத்தில் அகரமுதலித் திட்ட இயக்குநா் கோ. விசயராகவன் மாணவா்களிடையே நோக்கவுரையாற்றினாா். அகரமுதலி இயக்ககத் தொகுப்பாளா் வே. பிரபு சொற்குவை குறித்து விளக்கவுரையாற்றினாா். மாணவா்கள், பேராசிரியா்கள், தமிழாா்வலா்கள் உள்பட பலா் கலந்துகொண்ட இவ்விரு நிகழ்விலும் பங்கேற்றுப் பயிற்சிபெற்ற மாணவா்களுக்கு அகரமுதலி இயக்ககம் சாா்பில், “‘சொற்குவை மாணவத் தூதுவா்-2022’“ சான்றிதழ்கள் வழங்கப்பட்டன.