சென்னையில் காவல்நிலையத்தில் விசாரணை கைதி இறந்த வழக்கை சிபிசிஐடிக்கு மாற்றி டிஜிபி சைலேந்திரபாபு உத்தரவிட்டுள்ளார்.
தலைமைச் செயலக குடியிருப்பு காவல் நிலைய போலீஸாா் திங்கள்கிழமை இரவு புரசைவாக்கம், கெல்லீஸ் சிக்னலில் வாகன தணிக்கையில் ஈடுபட்டிருந்தனா். அப்போது, அங்கு வந்த ஆட்டோவில் இருந்த இளைஞா்கள் இருவரிடம் போலீஸாா் விசாரணை செய்தனா். விசாரணையில், அவா்கள் இருவரும் முன்னுக்குப் பின் முரணாக பதில் அளித்ததாகவும், அவா்களை பிடிக்க முயன்றபோது போலீஸாரை தாக்க முற்பட்டதாகவும் கூறப்படுகிறது. மேலும், அவா்களிடம் பட்டாக் கத்தியும், கஞ்சா பொட்டலமும் இருந்ததாம். இதையடுத்து, இருவரையும் விசாரணைக்காக போலீஸாா், தலைமைச் செயலக குடியிருப்பு காவல் நிலையத்துக்கு அழைத்துச் சென்றனா். அங்கு இருவரிடமும் போலீஸாா் இரவில் விசாரணை மேற்கொண்டனா்.
விசாரணையில் பிடிபட்டவா்கள் திருவல்லிக்கேணியைச் சோ்ந்த க.சுரேஷ் என்ற ஜொல்லு சுரேஷ் (28), பட்டினப்பாக்கத்தைச் சோ்ந்த விக்னேஷ் என்ற விக்னா (28) என்பதும், சுரேஷ் மீது 2 கொலை வழக்குகள், 2 கூட்டு கொள்ளை வழக்குகள் உள்பட 6 வழக்குகள், விக்னேஷ் மீது 2 கொள்ளை வழக்குகள் உள்பட 4 வழக்குகளும் இருப்பதும் தெரியவந்தது.
இதையும் படிக்க- விராட் கோலியின் விக்கெட்: உம்ரான் மாலிக் விருப்பம்
இளைஞா் சாவு: இந்நிலையில் விக்னேஷ், செவ்வாய்க்கிழமை அதிகாலை வாந்தி எடுத்தாராம். மேலும் வலிப்பும் ஏற்பட்டதாம். இதைப் பாா்த்த போலீஸாா், விக்னேஷை மீட்டு அருகே உள்ள ஒரு தனியாா் மருத்துவமனைக்கு கொண்டு சென்றனா். அங்கு அவரைப் பரிசோதித்த மருத்துவா்கள் விக்னேஷூக்கு நாடித்துடிப்பு குறைவாக இருந்ததாகத் தெரிவித்தனா். இதையடுத்து போலீஸாா், விக்னேஷை கீழ்ப்பாக்கம் அரசு மருத்துவமனைக்கு கொண்டு சென்றனா். ஆனால் செல்லும் வழியிலேயே விக்னேஷ் இறந்தாா். இதையறிந்து விக்னேஷின் உறவினா்கள் அதிா்ச்சியடைந்தனா். மருத்துவமனையில் அவா்கள், ‘விசாரணை என்ற பெயரில் போலீஸாா் விக்னேஷை அடித்தே கொன்று விட்டனா். எனவே, சம்பந்தப்பட்ட போலீஸாா் மீது கடும் நடவடிக்கை எடுக்க வேண்டும் என குற்றம் சாட்டி போராட்டத்தில் ஈடுபட்டனா்.
இந்நிலையில், விக்னேஷ் மா்ம மரணம் தொடா்பாக நீதித்துறை நடுவா் விசாரணை நடத்தி வருகிறாா். காவல்துை விளக்கம்: இது தொடா்பாக சென்னை பெருநகர காவல்துறை வெளியிட்ட செய்திக் குறிப்பு: இருவரையும் கைது செய்யும்போது, உடலில் சிராய்ப்பு காயங்களுடன் போதையில் இருந்தனா். இருவரிடமும் இருந்து ஒரு கத்தி, ஆட்டோ, 50 கிராம் கஞ்சா ஆகியவை பறிமுதல் செய்யப்பட்டன. தலைமைச் செயலக குடியிருப்பு காவல் நிலையத்தில் இருவரும் வைக்கப்பட்டிருந்தனா். இருவருக்கும் செவ்வாய்க்கிழமை காலை உணவு வழங்கப்பட்டது. சிறிது நேரத்தில் விக்னேஷ் வாந்தி, வலிப்பு ஏற்பட்டதால் அந்தப் பகுதியில் உள்ள தனியாா் மருத்துவமனையில் முதலுதவி சிகிச்சை அளிக்கப்பட்டு, பின்னா் மேல்சிகிச்சைக்காக கீழ்ப்பாக்கம் அரசு மருத்துவமனைக்கு கொண்டு செல்லப்பட்டாா். கீழ்ப்பாக்கம் அரசு மருத்துவமனையில், விக்னேஷை பரிசோதனை செய்ததில், அவா் ஏற்கெனவே இறந்துவிட்டதாகத் தெரிவித்தனா்.
இச்சம்பவம் குறித்து தகவலறிந்த காவல்துறை உயா் அதிகாரிகள் சம்பவ இடத்துக்கு விரைந்து சென்று விசாரணை செய்தனா். மேலும் இது தொடா்பாக தலைமைச் செயலக குடியிருப்பு போலீஸாா் வழக்குப் பதிவு செய்துள்ளனா். நீதித்துறை நடுவா், இச் சம்பவம் தொடா்பாக விசாரணை நடத்தி வருகிறாா் என்றாா் அவா். இந்த நிலையில் சென்னையில் காவல்நிலையத்தில் விசாரணை கைதி இறந்த வழக்கை சிபிசிஐடிக்கு மாற்றி டிஜிபி சைலேந்திரபாபு இன்று உத்தரவிட்டுள்ளார். மேலும் இவ்விவகாரத்தில் உதவி ஆய்வாளர் புகழும்பெருமாள், காவலர் பொன்ராஜ் மற்றும் ஊர்க்காவல் படையைச் சேர்ந்த தீபக் ஆகியோர் பணியிடை நீக்கம் செய்யப்பட்டுள்ளனர்.