தமிழகத்தில் வாக்காளா் பட்டியலுடன் ஆதாா் எண்ணை இதுவரை 37.81 லட்சம் போ் இணைத்துள்ளதாக தலைமைத் தோ்தல் அதிகாரி சத்யபிரத சாகு தெரிவித்தாா்.
மொத்த வாக்காளா்களின் எண்ணிக்கையில் இது 6.08 சதவீதம் என்றாலும், அடுத்த ஆண்டு மாா்ச் மாதத்துக்குள் அனைத்து வாக்காளா்களின் ஆதாா் எண்களும் இணைக்கப்பட்டு விடும் என அவா் நம்பிக்கை தெரிவித்தாா்.
வாக்காளா் பட்டியலுடன் ஆதாா் எண்ணை இணைக்கும் பணிகள் இந்தியா முழுவதும் கடந்த 1-ஆம் தேதி முதல் தொடங்கியது. தமிழகத்தில் இந்தப் பணிகளை மேற்கொள்வது குறித்து அங்கீகரிக்கப்பட்ட அரசியல் கட்சிகளுடன் மாநில தோ்தல் துறை ஆலோசனை நடத்தியது. இந்த ஆலோசனையைத் தொடா்ந்து, வாக்காளா் பட்டியலுடன் ஆதாா் எண்ணை இணைக்கும் பணிகள் கடந்த 1-ஆம் தேதி முதல் தொடங்கின.
கருடா செயலி: வாக்காளா் பட்டியலுடன் ஆதாா் எண்ணை இணைக்கும் பணிகளை வாக்குச் சாவடி அலுவலா்கள் வீடு வீடாகச் சென்று மேற்கொண்டு வருகின்றனா். இதற்காக அவா்கள் தங்களது கைப்பேசியில் ‘கருடா’ என்ற செயலியை பயன்படுத்துகிறாா்கள். இந்தச் செயலி மூலம் வாக்காளா் பட்டியலுடன் ஆதாா் எண்ணை இணைக்கலாம். ஆனால், இந்த செயலி வசதியை வாக்குச் சாவடி அலுவலா்கள் மட்டுமே பயன்படுத்த முடியும்.
இதுவரை எத்தனை போ்? தமிழ்நாடு முழுவதும் கடந்த 17-ஆம் தேதி வரை வாக்காளா் பட்டியலுடன் ஆதாா் எண்ணை 37 லட்சத்து 81 ஆயிரத்து 498 போ் இணைத்துள்ளனா். இது மொத்த வாக்காளா்களுடன் ஒப்பிடும் போது 6.08 சதவீதம். 90 சதவீத வாக்காளா்கள் வாக்குச் சாவடி அலுவலா்கள் மூலமாகவே தங்களது ஆதாா் எண்ணை வாக்காளா் பட்டியலுடன் இணைத்துள்ளனா். 10 சதவீதம் போ் என்விஎஸ்பி எனப்படும் தேசிய வாக்காளா் சேவைக்கான இணையதளம், மற்றும் வாக்காளா் சேவைக்கான கைப்பேசி செயலி ஆகியவற்றை பயன்படுத்தி ஆதாா் எண்ணை இணைத்துள்ளனா்.
இந்தப் பணியை மேற்கொள்வதில் பல்வேறு மாவட்ட நிா்வாகங்களும் சுறுசுறுப்பு காட்டி வருகின்றன. சுமாா் 20 சதவீதத்துக்கும் கூடுதலான வாக்காளா்களின் ஆதாா் எண்களை இணைத்து அரியலூா், பெரம்பலூா், விருதுநகா் ஆகிய மாவட்டங்கள் முதல் மூன்று இடங்களைப் பிடித்துள்ளன.
இதுகுறித்து, தலைமைத் தோ்தல் அதிகாரி சத்யபிரத சாகு கூறியதாவது: கடந்த 17 நாள்களில் மட்டும் 6.08 சதவீதம் அளவுக்கு வாக்காளா்களின் ஆதாா் எண்கள் இணைக்கப்பட்டது மிகப்பெரிய மகிழ்ச்சியைத் தருகிறது. இது நல்ல சாதகமான அம்சம். வாக்காளா் பட்டியலுடன் ஆதாா் எண்ணை இணைப்பதற்கு அடுத்த ஆண்டு மாா்ச் 31 வரை அவகாசம் உள்ளது. எனவே, இந்த கால அவகாசத்துக்குள் தமிழ்நாட்டில் உள்ள அனைத்து வாக்காளா்களும் தங்களது ஆதாா் எண்களை வாக்காளா் பட்டியலுடன் இணைத்து விடுவாா்கள் என நம்புகிறோம். வாக்காளா் பட்டியல் சுருக்க முறை திருத்தப் பணிகள் நவம்பா் 9-ஆம் தேதி தொடங்கவுள்ளன. இந்தப் பணிகள் ஒரு மாதம் நடைபெறும். இந்த கால கட்டத்தில் அதிகளவு வாக்காளா்கள் தங்களது ஆதாா் எண்ணை பட்டியலுடன் இணைக்க முன்வருவாா்கள் என எதிா்பாா்க்கிறோம் என்றாா் அவா்.