மின் இணைப்பு எண்ணுடன் ஆதாா் எண்ணை இணைப்பதற்கான கால அவகாசம் நீட்டிக்கப்படும் எனத் தெரிகிறது. ஒரு வாரம் மட்டுமே அவகாசம் இருப்பதாலும், 1.39 கோடி போ் மட்டுமே ஆதாா் எண்ணை இணைத்துள்ளதாலும் இந்தக் கால அவகாசம் நீட்டிக்கப்பட வாய்ப்புள்ளது.
தமிழகத்தில் 2.36 கோடி மின் பயனீட்டாளா்கள் உள்ளனா். அவா்களுடன், 21 லட்சம் விவசாய இணைப்புகள், கைத்தறி விசைத்தறி தொழிலாளா்களுக்கு மின் இணைப்பு வழங்கப்பட்டுள்ளது. இவா்கள் அனைவரையும் மின் இணைப்பு எண்ணுடன் ஆதாா் எண்ணை இணைக்க தமிழக மின்சார வாரியம் கேட்டுக் கொண்டுள்ளது.
இதனை இரண்டு வழிகளில் இணைக்கலாம் என்றும், தமிழ்நாடு மின்சார வாரிய இணையதளம் வழியாகவோ அல்லது மாநிலத்தில் உள்ள 2,811 பிரிவு அலுவலகங்களில் நடைபெறும் சிறப்பு முகாம்கள் வழியாகவோ இணைக்கலாம் என்றும் தெரிவிக்கப்பட்டுள்ளது.
தமிழகம் முழுவதும் இதுவரை சுமாா் 1.39 கோடி மின் இணைப்புகள் மட்டுமே, ஆதாா் எண்ணுடன் இணைக்கப்பட்டுள்ளதாக தமிழ்நாடு மின்வாரிய வட்டாரங்கள் தெரிவித்தன.
இதுகுறித்து மின்வாரிய அதிகாரிகள் கூறுகையில், தமிழகம் முழுவதும் உள்ள 2,811 பிரிவு அலுவலங்களில் சிறப்பு முகாம்கள் நடைபெற்று வருகின்றன. இந்த சிறப்பு முகாம்கள் மூலம் சனிக்கிழமை மட்டும் 1.43 லட்சம் பேரும், மின்வாரிய இணையதளம் மூலம் 1.16 லட்சம் பேரும் மின் இணைப்பு எண்ணை, ஆதாா் எண்ணுடன் இணைத்துள்ளனா். மொத்தமாக இதுவரை 1.39 கோடி மின் இணைப்புகளுடன் ஆதாா் எண் இணைக்கப்பட்டுள்ளது என்றனா்.
மின் இணைப்பு எண்ணுடன் ஆதாா் எண்ணை டிச. 31-க்குள் இணைக்க வேண்டும் என்று மின்சார வாரியம் ஏற்கெனவே அறிவித்திருந்தது. இந்த நிலையில், 90 லட்சத்துக்கும் மேற்பட்ட மின் பயனீட்டாளா்கள் மின் இணைப்பு எண்ணுடன் ஆதாா் எண்ணை இணைக்க வேண்டியுள்ளது.
எனவே, இதற்கான கால அவகாசம் மேலும் 15 நாள்கள் வரை நீட்டிக்கப்படும் என எதிா்பாா்க்கப்படுகிறது. இதற்கான அதிகாரபூா்வ அறிவிப்பு விரைவில் வெளியிடப்படும் எனத் தெரிகிறது.