நடிகர் விஜய்யை புதுச்சேரி முதல்வர் ரங்கசாமி இன்று திடீரென சந்தித்தார்.
சென்னை, பனையூரில் உள்ள விஜய் வீட்டில் இந்த சந்திப்பு நடைபெற்றது. சுமார் ஒரு மணி நேரம் நடைபெற்ற இந்த சந்திப்பு மரியாதை நிமித்தமானது எனத் தெரிவிக்கப்பட்டுள்ளது.
தமிழகத்தில் நடைபெறவிருக்கும் நகர்புற உள்ளாட்சித் தேர்தலில் நடிகர் விஜய்யின் விஜய் மக்கள் இயக்கம் போட்டியிடுகிறது.
தேர்தலின்போது விஜய் மக்கள் இயக்கத்தின் கொடியைப் பயன்படுத்திக்கொள்ளலாம் என்று அந்த அமைப்பின் பொதுச்செயலாளர் புஸ்ஸி ஆனந்த் அறிவித்தார்.
இதையும் படிக்க- மதுபான பார்களுக்கு தடை: சென்னை உயர் நீதிமன்றம் அதிரடி
உள்ளாட்சித் தேர்தலில் விஜய் மக்கள் இயக்கம் போட்டியிடுவது விஜய் அரசியலுக்கு வருவதற்கான முன்னோட்டம் என்று கூறப்படுகிறது. இந்த நிலையில் புதுச்சேரி முதல்வர் ரங்கசாமி-விஜய் சந்திப்பு முக்கியத்துவம் வாய்ந்ததாக கருதப்படுகிறது.