மே 28ல் திமுக மாவட்டச் செயலாளர்கள் கூட்டம்

திமுக மாவட்டச் செயலாளர்கள் கூட்டம் வருகிற சனிக்கிழமை(மே 28) நடைபெறவிருப்பதாக கட்சியின் பொதுச் செயலாளர் துரைமுருகன் அறிவிப்பு வெளியிட்டுள்ளார். 

முதல்வரும், திமுக தலைவருமான மு.க.ஸ்டாலின் தலைமையில் கட்சித் தலைமை அலுவலகமான அண்ணா அறிவாலயத்தில் சனிக்கிழமை(மே 28) காலை 10.30 மணிக்கு நடைபெறவுள்ள கூட்டத்தில் மாவட்டச் செயலாளா்கள்/மாவட்டப் பொறுப்பாளர்கள் கலந்துகொள்ள அறிவுறுத்தப்பட்டுள்ளனர். 

வருகிற ஜூன் 3 ஆம் தேதி முன்னாள் முதல்வர் கருணாநிதியின் 99 ஆவது பிறந்தநாள் கொண்டாடப்படுவதையொட்டி, அதுகுறித்து கூட்டத்தில் ஆலோசிக்கப்பட உள்ளதாக அறிக்கையில் தெரிவிக்கப்பட்டுள்ளது. 

மேலும், திமுக உட்கட்சித் தேர்தல் நடந்து வருவதால் அதுகுறித்தும் பேசப்படலாம் என்று கூறப்படுகிறது.