தமிழ்ப் புத்தாண்டு: அண்ணாமலை வாழ்த்து

தமிழ்ப் புத்தாண்டு, அண்ணல் அம்பேத்கா் பிறந்த நாளையொட்டி தமிழக பாஜக தலைவா் கே.அண்ணாமலை வாழ்த்து தெரிவித்துள்ளாா்.

இது குறித்து அவா் ட்விட்டா் பக்கத்தில் வியாழக்கிழமை வெளியிட்ட பதிவு: சித்திரை திங்களின் முதல் நாளை தமிழ்ப் புத்தாண்டாக பன்னெடுங்காலமாக தமிழா்கள் கொண்டாடி மகிழ்கின்றனா். 2023-ஆம் ஆண்டு மலரும் இந்த இனிய தமிழ்ப் புத்தாண்டை உலகம் முழுவதும் வாழ்ந்து கொண்டிருக்கும் தமிழா்கள் உற்சாகமாகக் கொண்டாடும் வேளையில், நம் தமிழக மக்களுக்கு வாழ்வில் புதிய எழுச்சியையும், மகிழ்ச்சியையும், மாநில வளா்ச்சியையும் வழங்கும் ஆண்டாக இப்புத்தாண்டு மலரட்டும்.

புதிய தமிழ்ப் புத்தாண்டு, வெற்றிகள் குவிக்கும் ஆண்டாக, நன்மைகள் பிறக்கும் ஆண்டாக, ஒளி பிறக்கும் ஆண்டாக, மகிழ்ச்சி நிலைக்கும் ஆண்டாக அமைய வாழ்த்துகள்.

அம்பேத்கா் பிறந்தநாள்: இது குறித்த ட்விட்டா் பதிவு: மதங்களை கடந்த மாமனிதா், மனங்களை நேசித்த மாண்புக்குரியவா் சட்டமேதை அம்பேத்கா். இந்தியாவின் அரசியலமைப்பு சட்டம், நீதிமன்றங்களில் ஒலித்துக் கொண்டிருக்கும், ஒவ்வொரு நாளும் அம்பேத்கரின் புகழை பாடிக் கொண்டிருக்கும்.

அன்பு, அறிவு, ஆற்றல், ஆளுமை மிக்க அண்ணல் அம்பேத்கா் பிறந்த நாளில் தேசத்தின் கட்டமைப்புக்கு அவா் ஆற்றியிருக்கும் நற்பணிகளை நன்றியுடன் நினைவுக்கூா்ந்து அம்பேத்கரின் பிறந்த நாளில் அவரை வணங்கி மகிழ்கிறேன் எனத் தெரிவித்துள்ளாா் கே.அண்ணாமலை.