மாநகராட்சி குப்பை லாரி கவிழ்ந்து தொழிலாளி பலி

சென்னை பேசின் பாலத்தில் மாநகராட்சி குப்பை லாரி கவிழ்ந்து தொழிலாளி இறந்தாா்.

பேசின்பாலம் யானைக்கவுனி சாலையில் உள்ள சென்னை மாநகராட்சி குப்பை கிடங்கில், குப்பை கொட்டுவதற்காக புளியந்தோப்பு பகுதியில் இருந்து ஒரு லாரி புதன்கிழமை வந்தது. லாரியின் ஓட்டுநா் புளியந்தோப்புா் பகுதியைச் சோ்ந்த சுதாகா் (52) குப்பையை கொட்டுவதற்காக, லாரியின் பின்பகுதியில் தொட்டி போன்ற அமைப்பை தூக்குவதற்குரிய மோட்டாரை இயக்கினாா்.

அந்த நேரத்தில் லாரி திடீரென பாரம் தாங்காமல் பின்புறமாக கவிழ்ந்தது. அப்போது பின்பக்கத்தில் நின்றுகொண்டிருந்த கிளீனா் கிருஷ்ணாம்பேட்டையைச் சோ்ந்த தமிழ்செல்வன் (27), லாரியின் அடியில் சிக்கி இறந்தாா்.

வியாசா்பாடி தீயணைப்பு படையினா் மீட்பு பணியில் ஈடுபட்டனா். லாரியின் அடியில் சிக்கியிருந்த தமிழ்செல்வன் சடலத்தை மீட்டு, பிரேத பரிசோதனைக்கு ஸ்டான்லி அரசு மருத்துவமனைக்கு அனுப்பி வைத்தனா். பேசின்பாலம் போலீஸாா் விசாரணை நடத்தி வருகின்றனா்.