அதிமுக அலுவலக விவகாரம்: இபிஎஸ் - ஓபிஎஸ் வாக்குவாதம்; முதல்வா் மு.க. ஸ்டாலின் விளக்கம்

அதிமுக தலைமை அலுவலக மோதல் சம்பவம் தொடா்பாக, பேரவையில் எதிா்க்கட்சி தலைவா் எடப்பாடி கே.பழனிசாமி, துணைத் தலைவா் ஓ.பன்னீா்செல்வம் ஆகியோரிடையே வாக்குவாதம் ஏற்பட்டது. அப்போது, காவல் துறை மீது வைக்கப்பட்ட குற்றச்சாட்டுகளுக்கு முதல்வா் மு.க.ஸ்டாலின் விளக்கமளித்தாா்.

சட்டப் பேரவையில் வியாழக்கிழமை நடைபெற்ற காவல் துறை மானியக் கோரிக்கை மீது அதிமுக உறுப்பினா் பொள்ளாச்சி வி.ஜெயராமன் பேசினாா்.

அப்போது நடைபெற்ற விவாதம்:

பொள்ளாச்சி வி.ஜெயராமன்: அதிமுக தலைமை அலுவலகத்தை ஒரு கும்பல் சூறையாடியது. அதை காவல் துறையினா் தடுக்கவில்லை. (சில கருத்துகளை அவா் தெரிவித்தாா்)

முதல்வா் மு.க.ஸ்டாலின்: அதிமுக அலுவலகத்துக்கு உரிய பாதுகாப்பை காவல் துறை அளித்தது. எந்த அடிப்படையில் உறுப்பினா் பேசுகிறாா்? அவா் பேசுவதற்கு ஏதேனும் ஆதாரம் இருக்கிா?

எடப்பாடி கே.பழனிசாமி: அதிமுக பிரதான எதிா்க்கட்சி. 32 ஆண்டு காலம் ஆட்சிபுரிந்த கட்சி. அந்தக் கட்சியின் தலைமை அலுவலகத்தை சில போ் தாக்கக் கூடும் என்ற அடிப்படையில் தகுந்த பாதுகாப்பு வழங்கக் கோரி, முன்பாகவே காவல் துறையிடம் மனு அளித்தோம். எனினும், தலைமை அலுவலகத்தை தாக்கக் கூடிய நிலை ஏற்பட்டது. இதற்கு உரிய பாதுகாப்பு அளிக்காததே காரணம்.

முதல்வா் மு.க.ஸ்டாலின்: அதிமுக அலுவலகத்துக்குள் நடந்தது முற்றிலும் உட்கட்சி விவகாரம். காவல் துறையில் பாதுகாப்பு கேட்ட நேரத்தில், உரிய பாதுகாப்பு கொடுக்கப்பட்டது.

எடப்பாடி கே.பழனிசாமி: திமுகவில் பிரிவு ஏற்பட்ட போது, அறிவாலயத்தில் தகராறு நடந்தது. அப்போது ஆட்சியில் இருந்த முன்னாள் முதல்வா் ஜெயலலிதா கட்சி அலுவலகத்துக்கு உரிய பாதுகாப்பை அளித்தாா்.

முதல்வா் மு.க.ஸ்டாலின்: கட்சி பிளவுபட்ட போது, நாங்கள் அடித்துக் கொள்ளவில்லை.

ஓ.பன்னீா்செல்வம்: பிரச்னை வேறு திசையை நோக்கிச் செல்கிறது. தலைமை அலுவலகத்தில் அன்று நடந்த சம்பவம் வேதனை அளிக்கக் கூடியது. நாங்கள் நிராயுதபாணியாக இருந்தோம். (அதிமுக உறுப்பினா்கள் எதிா்த்து குரல் எழுப்பினா்) நாங்கள் கட்சி அலுவலகம் நோக்கி வந்த போது, அலுவலகத்தை பூட்டி விட்டு, இந்தியன் வங்கிக்கும், கட்சி அலுவலகத்துக்கும் இடையிலான ஒரு கி.மீ. தொலைவில் 300 போ் அமா்ந்திருந்தனா். இதற்கான காட்சிப் பதிவுகள் காவல் துறையிடம் உள்ளது. மிகப்பெரிய கும்பல் கல்வீசி தாக்கியது. வன்முறை வெறியாட்டத்தை யாா் நடத்தியது என்பது குறித்த காவல் துறை விசாரணை விவரங்களை தெரியப்படுத்த வேண்டும். அத்துமீறி நடந்த கும்பல் எது என்பதை விளக்கும் கடமை அரசுக்கு உள்ளது. அதிமுகவைச் சோ்ந்த 8 மாவட்டச் செயலாளா்கள், தலைமை அலுவலகத்திலேயே இருக்கக் காரணம் என்ன? (அப்போது அதிமுக உறுப்பினா்கள் கடும் எதிா்ப்பு தெரிவித்து கூச்சலிட்டனா்).

எடப்பாடி கே.பழனிசாமி: இதுதொடா்பாக திமுக அரசு சாா்பிலேயே வழக்குப் பதிவு செய்யப்பட்டு, அதனடிப்படையில் நீதிமன்றத்தில் விசாரணை நடைபெற்று தீா்ப்பும் அளிக்கப்பட்டுள்ளது. அதில், சம்பவத்தை அரங்கேற்றியது யாா் என்பது விளக்கப்பட்டுள்ளது. கட்சி அலுவலகத்தில் பல பொருள்கள் திருடப்பட்டன. அலுவலகத்துக்கு முறைப்படி பாதுகாப்பு அளிக்கப்பட்டிருந்தால், இப்படிப்பட்ட சம்பவமே நடந்திருக்காது.

முதல்வா் மு.க.ஸ்டாலின்: அதிமுக அலுவலக சம்பவம் தொடா்பாக, 14 போ் கைது செய்யப்பட்டு சிறைக்கு அனுப்பப்பட்டனா். காவல் துறை இயக்குநா் உத்தரவின்படி, சிபிசிஐடி., விசாரணை நடந்து வருகிறது. காவல் துறையைப் பொருத்தவரையில், முறைப்படி வழக்குப் பதிவு செய்யப்பட்டுள்ளது. உரிய நடவடிக்கையும் எடுக்கப்பட்டுள்ளது. இந்த விவகாரத்தில் காவல் துறை எதிலும் தலையிடவில்லை. வேடிக்கை பாா்த்துக் கொண்டிருந்தது என்ற செய்திகள் உண்மைக்குப் புறம்பானவை என்றாா் முதல்வா் மு.க.ஸ்டாலின்.