தங்கம் விலை மீண்டும் உயர்வு: எவ்வளவு தெரியுமா?

சென்னையில் 22-கேரட் ஆபரணத் தங்கத்தின் விலை திங்கள்கிழமை பவுனுக்கு ரூ.80 விலை உயா்ந்து ரூ.44,920-க்கு விற்பனையாகிறது.

சா்வதேச பொருளாதார சூழல், அமெரிக்க டாலருக்கு நிகரான இந்திய ரூபாயின் மதிப்பு உள்ளிட்டவற்றின் அடிப்படையில் தங்கம் விலை நிா்ணயிக்கப்படுகிறது. தங்கத்தின் விலை கடந்த சில வாரங்களாக ஏற்ற இறக்கத்துடன் காணப்பட்டது. சென்னையில், கடந்த 14-ஆம் தேதி வரலாறு காணாத அளவில் புதிய உச்சமாக தங்கம் பவுனுக்கு ரூ.45,760-க்கு விற்பனையானது.

இதைத் தொடா்ந்து, கடந்த 15-ஆம் தேதி பவுனுக்கு ரூ. 560 குறைந்து ரூ.45,200-க்கு விற்பனையானது. தொடா்ந்து 3 நாள்களாக தங்கத்தின் விலையில் மாற்றமின்றி ரூ.45,200-க்கு விற்கப்பட்டு வந்தது.

இந்த நிலையில், சென்னையில் 22-கேரட் ஆபரணத் தங்கத்தின் விலை புதன்கிழமை கிராமுக்கு ரூ.15- உயா்ந்து ரூ.5,665-க்கும், பவுன் விலை ரூ.120 அதிகரித்து ரூ.45,320-க்கும் விற்பனையானது. 24-கேரட் சுத்த தங்கம் கிராம் ரூ.6,119-க்கும் 8 கிராம் 48,952-க்கும் விற்பனை செய்யபட்டது.

வியாழக்கிழமை கிராமுக்கு ரூ.15 குறைந்து ரூ.5,5,650-க்கும் பவுனுக்கு ரூ.120 குறைந்து ரூ.45,200-க்கும் விற்பனையானது.

வெள்ளிக்கிழமை கிராமுக்கு ரூ.15 உயர்ந்து ரூ.5,665-க்கும் பவுனுக்கு ரூ.120 உயர்ந்து ரூ.45,320-க்கு விற்பனையானது. 

வழக்கமாக, அட்சய திருதியையொட்டி தங்கம் விலை உயா்ந்து காணப்படும். ஆனால், நிகழாண்டு அட்சய திருதியைக்கு தங்கம் கிராமுக்கு ரூ.60 குறைந்து ரூ.5605-க்கும், பவுனுக்கு ரூ.480 குறைந்து ரூ.44,840-க்கும் விற்பனையானது. இதனால், தங்க நகைகளை வாங்க மக்கள் அதிக ஆா்வம் காட்டினா். 

இந்நிலையில், சென்னையில் 22-கேரட் ஆபரணத் தங்கத்தின் விலை திங்கள்கிழமை பவுனுக்கு ரூ.80 விலை உயா்ந்து ரூ.44,920-க்கு விற்பனையாகிறது. ஒரு கிராமுக்கு ரூ.10 உயர்ந்து ரூ.5,615-க்கும் விற்பனையாகிறது.

வெள்ளியின் விலை ஒரு கிராமிற்கு 40 பைசா குறைந்து ரூ.80 ஆகவும், கட்டி வெள்ளி ஒரு கிலோவிற்கு ரூ.400 குறைந்து ரூ.80,400 ஆகவும் விற்பனை செய்யப்படுகிறது.