5 லிட்டர் பச்சை பால் விலையுயர்வு ஏன்? ஆவின் விளக்கம்!

ஆவின் 5 லிட்டர் பச்சை நிற பால் பாக்கெட்டுகள் விலை அதிகரிக்கப்பட்டதாக வெளியான செய்தி தொடர்பாக ஆவின் நிர்வாகம் விளக்கம் அளித்துள்ளது. 

இதுகுறித்து ஆவின் நிறுவனம் கூறியது, 

ஆவின் நிறுவனத்தால் வழங்கப்பட்டு வரும் பச்சை நிற பால் பாக்கெட் பொது மக்களுக்கு ஒரு லிட்டர் ரூ.44 என்ற விலையில் விற்பனை செய்யப்பட்டு வருகிறது. ஆனால், வணிக நிறுவனத்திற்காக விற்பனை செய்யப்படும் 5 லிட்டர் பால் ரூ.210-க்கு விற்பனை செய்யப்பட்டது.  

படிக்க: ஹிமாசல் நிலச்சரிவில் 6 வயது சிறுவன் பலி: நெடுஞ்சாலை மூடல்! 

இந்நிலையில், வணிக நிறுவனத்திற்கும் பொதுமக்களுக்கு வழங்கப்படும் விலையிலேயே வழங்கப்பட வேண்டும் என்ற நோக்கத்துடன் ரூ.10 உயர்த்தப்பட்டு, 5 லிட்டர் பாலின் விலை ரூ.220-க்கு விற்பனை செய்யப்படுகிறது என்று தெரிவிக்கப்பட்டுள்ளது.