அதிமுக பொன்விழா மாநாட்டில் நிறைவேற்றப்பட்ட தீா்மானங்கள்

மதுரை: மதுரை, பெருங்குடி வலையங்குளம் பகுதியில் அதிமுக பொன்விழா மாநாட்டில் தொண்டர்களின் கரகோஷண் மூலம் 32 தீர்மானங்கள் நிறைவேற்றப்பட்டன.

தீா்மானங்களை முன்னாள் அமைச்சா்கள் வைகைச்செல்வன், விஜய பாஸ்கா், செம்மலை ஆகியோா் வாசித்தனா். 

-  உலக பொதுமறையான திருக்குறளை தேசிய நூலாக அறிவிக்க வேண்டும்.

- தமிழகத்தில் உள்ள அனைத்து கல்வி நிலையங்களில் தமிழை பயிற்று மொழியாக அறிவிக்க வேண்டும். 

- புதுச்சேரி யூனியன் பிரதேசத்தை தனிமாநிலமாக அறிவிக்க மத்திய அரசை வலியுறுத்துவது. 

- அதிமுக ஆட்சி காலத்தில் கொண்டு வரப்பட்ட மக்கள் நலத் திட்டங்களுக்கு எதிராகவும் மக்களுக்கு வரி சுமை, மின் கட்டண உயா்வையும் அளித்துள்ள திமுக அரசுக்கு கண்டனம். 

-  தமிழகத்தில் சட்டம் ஒழுங்கு சீா்கெட்டதற்கு காரணமான திமுக அரசுக்கு கண்டனம். 

-  நிபந்தனையின்றி அனைத்து குடும்ப தலைவிகளுக்கும் மாதந்தோறும் ரூ.1000 வழங்க வலியுறுத்துவது. 

-  கடந்த 2 ஆண்டுகளில் மட்டும் ரூ.3 லட்சம் கோடி கடன் வாங்கி, தமிழகத்தை அதிக கடன் பெற்ற மாநிலமாக்கிய திமுக அரசுக்கு கண்டனம்.

- கோதாவரி- காவிரி திட்டத்தை நிறைவேற்ற மத்திய அரசை வலியுறுத்தாத திமுக அரசுக்கு கண்டனம்.

-  விவசாயிகளின் நிலங்களை கையகப்படுத்தி என்எல்சி நிறுவனத்திற்கு வழங்கும் திமுக அரசுக்கு கண்டனம்

-  உயா் கல்வியில் கல்வியாளா்களின் எதிா்ப்பையும் மீறி பொது பாட திட்டத்தை அவசர கதியில் மாற்ற முயற்சிக்கும் செயலுக்கு கண்டனம்

-  சுற்று ப்புற சூழலை மாசுபடுத்தும் வகையில் கடலில் பேனா சின்னம் அமைக்க முயற்சிக்கும் திமுக அரசுக்கு கண்டனம்.

-  சிறுபான்மையினா் நலலுக்கானதிட்டங்களை முடக்காமல் செயல்படுத்த வேண்டும் என திமுக அரசுக்கு வலியுறுத்தல். 

-  20 ஆண்டுகளுக்கு மேலாக சிறையில் உள்ள சிறுபான்மை சிறைவாசிகளை விடுவிக்காத தமிழக அரசுக்கு கண்டனம். 

-  மணிப்பூா் மக்களுக்கு பாதுகாப்பு, அமைதி திரும்பவும் மத்திய அரசு, மணிப்பூா் மாநில அரசு நடவடிக்கை மேற்கொள்ள வலியுறுத்தல்.

-  பேரவையில் முன்னாள் முதல்வா் ஜெயலலிதா மீது தாக்குதல் நடத்திய திமுகவினா், தற்போது பொய் தகவல் பரப்பி வருவதற்கு கண்டனம்.

-  மக்கள் விரோத ஊழல் ஆட்சி நடத்தும் பொம்மை முதல்வரான ஸ்டாலின் உடனடியாக பதவி விலக வலியுறுத்தல்.

-  துரோகிகளை கட்சியிலிருந்து களையெடுத்த எடப்பாடி கே. பழனிசாமிக்கு நன்றியும், பாராட்டு.

-  2024 மக்களவைத் தேர்தலில் எடப்பாடி பழனிசாமி வகுத்து தரும் திட்டங்களின் படி, அதிமுக மற்றும் கூட்டணிக் கட்சி வேட்பாளர்களை வெற்றி பெறச் செய்ய சூளுரை. 

-  அடுத்து வரும் பேரவைத் தேர்தலில் எடப்பாடி பழனிசாமியை முதல்வராக்க சபதம் ஏற்போம் என்பன உள்பட 32 தீா்மானங்கள் நிறைவேற்றப்பட்டன.