இந்தியா கூட்டணியின் ஆலோசனைக் கூட்டத்தில் கலந்துகொள்வதற்காக மும்பை சென்றுள்ள முதல்வர் மு.க.ஸ்டாலினுக்கு சிறப்பான வரவேற்பு அளிக்கப்பட்டது.
அடுத்தாண்டு நடைபெறவுள்ள நாடாளுமன்றத் தேர்தலில் ஆளும் பாஜகவை எதிர்கொள்ள எதிர்க்கட்சிகள் 'இந்தியா' என்ற கூட்டணியின் பெயரில் ஒன்றிணைந்துள்ளன.
26 எதிா்க்கட்சிகள் அடங்கிய ‘இந்தியா’ கூட்டணியின் முதல் கூட்டம் கடந்த ஜூனில் பிகாா் தலைநகா் பாட்னாவிலும், இரண்டாவது கூட்டம் ஜூலையில் பெங்களூருவிலும் நடைபெற்றது.
இதையும் படிக்க | செப். 18 முதல் 22 வரை நாடாளுமன்ற சிறப்புக் கூட்டத்தொடர்!
தொடர்ந்து மூன்றாவது கூட்டம் மும்பையில் இன்றும் நாளையும் (ஆகஸ்ட் 31, செப்.1) நடைபெறுகிறது.
இந்த கூட்டத்தில் கலந்துகொள்வதற்காக 26 எதிர்க்கட்சிகளின் தலைவர்கள், பிரதிநிதிகள் மும்பை செல்கின்றனர்.
இதையொட்டி தமிழ்நாடு முதல்வர் மு.க. ஸ்டாலின் இன்று காலை சென்னை விமான நிலையத்தில் இருந்து புறப்பட்டுச் சென்றார். மும்பை விமான நிலையம் சென்ற அவருக்கு சிவசேனை, காங்கிரஸ் மற்றும் திமுக நிர்வாகிகள் சிறப்பான வரவேற்பு அளித்தனர். மு.க. ஸ்டாலினுடன் திமுக நாடாளுமன்ற உறுப்பினர் டி.ஆர். பாலுவும் சென்றுள்ளது குறிப்பிடத்தக்கது.