கோவை: தமிழ்நாடு வேளாண்மைப் பல்கலைக்கழத்தில் 2023-24 ஆம் ஆண்டு மாணவர் சேர்க்கைக்கான தரவரிசைப் பட்டியல் வெள்ளிக்கிழமை (ஜூன 16) வெளியானது.
கோவையில் உள்ள தமிழ்நாடு வேளாண்மைப் பல்கலைக்கழகத்தில் 14 இளம் அறிவியல் பட்டப் படிப்புகள், 3 பட்டயப் படிப்புகளும் வழங்கப்படுகின்றன.
இந்த நிலையில் இந்த ஆண்டு மாணவர் சேர்க்கைக்கான அறிவிப்பு கடந்த மே 10 ஆம் தேதி வெளியானது. ஜூன் 9 ஆம் தேதி வரை இணையதளம் மூலம் 34 ஆயிரத்துக்கும் மேற்பட்ட விண்ணப்பங்கள் பெறப்பட்டன.
இந்த நிலையில் தமிழ்நாடு வேளாண் பல்கலை மாணவர் சேர்க்கைக்கான தரவரிசைப் பட்டியல் வெள்ளக்கிழமை வெளியானது.
இதில், விழுப்புரத்தைச் சேந்த மாணவி ஜி.வித்யாஸ்ரீ முதலிடம், மதுரையைச் சேர்ந்த பி.ஸ்ரீராம், தென்காசியைச் சேர்ந்த எஸ். முத்துலட்சுமி அடுத்தடுத்த இடங்களில் உள்ளனர். மூன்று பேரும் 200 கட்-ஆஃப் மதிப்பெண் பெற்றுள்ளனர். 199.5 மதிப்பெண்கள் 15 பேர் பெற்றுள்ளனர்.
தரவரிசைப் பட்டியல் www.tnau.ac.in என்ற இணையதளத்தில் வெளியிடப்பட்டுள்ளது.