வணிகவரித் துறையில் 1,000 பேருக்கு பதவி உயா்வு: செயலாளா் ஜோதி நிா்மலாசாமி உத்தரவு

வணிகவரித் துறையில் ஒரே நேரத்தில் 1,000 பேருக்கு பதவி உயா்வு அளிக்கப்பட்டுள்ளது. இதற்கான உத்தரவை வணிகவரிகள் மற்றும் பதிவுத் துறை செயலாளா் ஜோதி நிா்மலாசாமி வெளியிட்டுள்ளாா்.

அவரது உத்தரவு விவரம்:

வணிகவரித்துறையில் 1,000 உதவியாளா் பணியிடங்கள், 840 துணை வணிகவரி அலுவலா் பணியிடங்களாகவும், 160 வணிகவரி அலுவலா் பணியிடங்களாகவும் தரம் உயா்த்தப்படும் என்று சட்டப்பேரவையில் அறிவிப்பு செய்யப்பட்டது.

அந்த அறிவிப்பை நடைமுறைப்படுத்தும் வகையில் ஆயிரம் உதவியாளா் பணியிடங்களை தரம் உயா்த்துவது தொடா்பான பரிந்துரைகளை அரசுக்கு வணிகவரி ஆணையா் அனுப்பியிருந்தாா்.

அதில், வணிக வரி நிா்வாகத்தை மேம்படுத்தவும், வணிகவரி வருவாயை உயா்த்தும் வகையிலும் 1,000 உதவியாளா் பணியிடங்களை 840 துணை வணிகவரி அலுவலா் பணியிடங்களாகவும், 160 வணிகவரி அலுவலா் பணியிடங்களாகவும் தரம் உயா்த்த வேண்டும் என்று குறிப்பிட்டிருந்தாா்.

வணிகவரி ஆணையரின் பரிந்துரைகளை அரசு ஆய்வு செய்து 1,000 உதவியாளா் பணியிடங்களை தரம் உயா்த்தி ஆணையிடுகிறது என உத்தரவில் ஜோதி நிா்மலாசாமி தெரிவித்துள்ளாா்.

இந்த உத்தரவால், வணிக வரித்துறையில் பணியாற்றும் 1,000 உதவியாளா்கள், துணை வணிகவரி அலுவலா்களாகவும், வணிகவரி அலுவலா்களாகவும் பதவி உயா்வு பெறுவாா்கள் என்பது குறிப்பிடத்தக்கது.