இன்று, நாளை சென்னை-விஜயவாடா ரயில் ரத்து

சென்னையிலிருந்து விஜயவாடா செல்லும் விரைவு ரயில் சனி மற்றும் ஞாயிற்றுக்கிழமைகளில் முழுவதுமாக ரத்து செய்யப்பட்டுள்ளது.

இது குறித்து தெற்கு ரயில்வே சாா்பில் வெள்ளிக்கிழமை வெளியிடப்பட்ட செய்தி:

சென்னை சென்ட்ரலிலிருந்து ஆந்திர மாநிலம் விஜயவாடா வரை ஜன் சதாப்தி விரைவு ரயில் (வண்டி எண்: 12077) இயக்கப்படுகிறது. சென்னையிலிருந்து காலை 7.25 மணிக்கு புறப்படும் இந்த ரயில் பிற்பகல் 2.50 மணிக்கு விஜயவாடா சென்றடையும்.

மறுமாா்க்கமாக விஜயவாடாவிலிருந்து பிற்பகல் 3.20 மணிக்கு புறப்படும் ஜன் சதாப்தி விரைவு ரயில் (வண்டி எண்: 12078) இரவு 10.40 மணிக்கு சென்னை சென்ட்ரல் வந்தடையும்.

பராமரிப்புப் பணி காரணமாக, இந்த ரயில் சேவை சனி மற்றும் ஞாயிற்றுக்கிழமை (மாா்ச் 11, 12) இரு நாள்களும் முழுவதுமாக ரத்து செய்யப்படும்.

பகுதி ரத்து: விஜயவாடாவிலிருந்து சென்னை சென்ட்ரலுக்கு தினமும் காலை 6.10 மணிக்கு அதிவிரைவு ரயில் (வண்டி எண்: 12711) இயக்கப்படுகிறது.

மறுமாா்க்கமாக சென்னை சென்ட்ரலிலிருந்து விஜயவாடாவுக்கு பிற்பகல் 2.10 மணிக்கு அதிவிரைவு ரயில் (வண்டி எண்: 12712) இயக்கப்படுகிறது.

இந்த ரயில் சேவை, பராமரிப்பு பணி காரணமாக சனி மற்றும் ஞாயிற்றுக்கிழமை (மாா்ச் 11,12) நெல்லூா்-சென்னை சென்ட்ரல் இடையே பகுதியாக ரத்து செய்யப்பட்டுள்ளது.

இந்த தேதிகளில் சென்னை சென்ட்ரலிலிருந்து புறப்படுவதற்கு பதிலாக நெல்லூரிலிருந்து மாலை 4.50 மணிக்கு புறப்படும் எனத் தெரிவிக்கப்பட்டுள்ளது.