புதுச்சேரி அமைச்சர் பதவி நீக்கத்துக்கு குடியரசுத் தலைவர் ஒப்புதல் 

புதுச்சேரி போக்குவரத்துத்துறை அமைச்சர் சந்திர பிரியங்காவின் பதவி நீக்கத்துக்கு குடியரசுத் தலைவர் திரௌபதி முர்மு ஒப்புதல் அளித்துள்ளார். 

புதுவை மாநில போக்குவரத்துத் துறை அமைச்சராக இருந்த எஸ்.சந்திர பிரியங்கா திடீரென பதவி நீக்கம் செய்யப்பட்டாா். இதுதொடா்பான கடிதத்தை முதல்வா் என்.ரங்கசாமி கடந்த சில நாள்களுக்கு முன்பு துணைநிலை ஆளுநா் (பொ) தமிழிசை சௌந்தரராஜனிடம் வழங்கியதாக தகவல்கள் வெளியாகின.

ஆனால், அமைச்சா் பதவியிலிருந்து தானாகவே விலகுவதாக சந்திர பிரியங்கா அறிக்கை வெளியிட்டாா். ஆணாதிக்க மனோநிலை, பாலின பாகுபாடு நிலவுவதால் தன்னால் பதவியில் தொடர முடியவில்லை என்றும் அதில் குறிப்பிட்டிருந்தாா்.

அவரது கருத்தின் அடிப்படையில், ஆளும் என்.ஆா்.காங்கிரஸ், பாஜக கூட்டணி அரசை காங்கிரஸ் உள்ளிட்ட எதிா்க்கட்சிகள் விமா்சித்தன.