பாஜக நிர்வாகிகளுடன் அமித் ஷா ஆலோசனை!

சென்னை அருகே கோவிலம்பாக்கம் ராணி மஹாலில் மத்திய அமைச்சா் அமித் ஷா, தென்சென்னை மக்களவைத் தொகுதி பாஜக நிா்வாகிகளுடன்  முக்கிய ஆலோசனை மேற்கொண்டு வருகிறார்.

இந்த ஆலோசனைக் கூட்டத்தில் தமிழக பாஜக தலைவா் அண்ணாமலை உள்பட பல்வேறு முக்கிய நிர்வாகிகள் பங்கேற்றுள்ளனர். இக்கூட்டத்தில் 2024 மக்களவை தேர்தல் தொடர்பாக பல்வேறு முக்கிய ஆலோசனைகள், அறிவுறுத்தல்களை வழங்குவார் என எதிர்பார்க்கப்படுகிறது.

தொடர்ந்து, சென்னையில் இருந்து இன்று மதியம் 2 மணியளவில் ஹெலிகாப்டா் மூலம் வேலூரை அடுத்த அப்துல்லாபுரம் விமான நிலையத்துக்கு வரும் அமித் ஷா, அங்கிருந்து காா் மூலம் கந்தனேரி பொதுக் கூட்ட மேடைக்கு செல்கிறார். பொதுக்கூட்டம் முடிந்த பிறகு மீண்டும் காா் மூலம் அப்துல்லாபுரம் விமான நிலையம் சென்று ஹெலிகாப்டா் மூலம் சென்னை திரும்புகிறாா்.

பின்னா், வேலூரிலிருந்து சென்னைக்கு இரவு 9 மணிக்கு வரும் அவா் விமானம் மூலம் விசாகப்பட்டினம் செல்கிறாா்.

இதையும் படிக்க: குக் வித் கோமாளி நிகழ்ச்சியில் இந்த வாரம் வெளியேறியது இவர்தான்!