தொடர் மழை எதிரொலி: தூத்துக்குடிக்கு பதில் கோவில்பட்டியில் தொடங்கிய ஒருங்கிணைந்த பொறியாளர் பேட்டித் தேர்வு

தமிழ்நாடு அரசுப் பணியாளர் தேர்வாணையம் நடத்தும் ஒருங்கிணைந்த பொறியாளர் பணிக்கான 2 நாள் நடைபெறும் போட்டித்தேர்வு திட்டமிட்டப்படி சனிக்கிழமை(ஜன.6) தொடங்கி நடைபெற்று வருகிறது.
தொடர் மழை எதிரொலி: தூத்துக்குடிக்கு பதில் கோவில்பட்டியில் தொடங்கிய ஒருங்கிணைந்த பொறியாளர் பேட்டித் தேர்வு


தமிழ்நாடு அரசுப் பணியாளர் தேர்வாணையம் நடத்தும் ஒருங்கிணைந்த பொறியாளர் பணிக்கான 2 நாள் நடைபெறும் போட்டித்தேர்வு திட்டமிட்டப்படி சனிக்கிழமை(ஜன.6) தொடங்கி நடைபெற்று வருகிறது.

ஒருங்கிணைந்த பொறியாளர் பணிக்களுக்கு பல்வேறு துறைகளில் உள்ள 369 காலியிடங்களுக்கான அறிவிப்பை டிஎன்பிஎஸ்சி வெளியிட்டிருந்தது. இந்த பணியிடங்களுக்கு தமிழகம் முழுவதும் 59.630க்கும் மேற்பட்டோர் விண்ணப்பித்திருந்தனர். இதற்கான தேர்வு ஜனவரி 6, 7 ஆகிய தேதிகளில் நடைபெறும் அறிவிக்கப்பட்டது. 

இந்த நிலையில் தென்மாவட்டங்களில் கடந்த மாதம் 17, 18 ஆகிய தேதிகளில் பெய்த கனமழை வெள்ளம் காரணமாக, போட்டித் தேர்வை ஒத்திவைக்க வேண்டும் என பல்வேறு தரப்பினரும் கோரிக்கை வைத்தனர். 

இந்த நிலையில், தமிழ்நாடு அரசுப் பணியாளர் தேர்வாணையம் நடத்தும் 2 நாள்கள் நடைபெறும் போட்டித் தேர்வு  தமிழகம் முழுவதும் சனிக்கிழமை(ஜன.6)தொடங்கியது.

தேர்வு எழுத விண்ணப்பம் செய்து இருந்த 1,130 தூத்துக்குடி மாவட்ட தேர்வர்களுக்கு தூத்துக்குடியில் தேர்வு மையம் ஒதுக்கீடு செய்யப்பட்டு இருந்தது. கடந்த மாதம் 17, 18 ஆகிய தேதிகளில் தூத்துக்குடி மாவட்டத்தில் பெய்த கனமழை காரணமாக, தூத்துக்குடி நகரில் அதிகமான பாதிப்புகள் ஏற்பட்டுள்ளதால் தூத்துக்குடியில் தேர்வு நடத்த முடியாத நிலையையடுத்து ஒருங்கிணைந்த பொறியாளர் பணிக்கான தமிழ்நாடு அரசுப் பணியாளர் தேர்வாணையம் நடத்தும் போட்டி தேர்வு மையம் கோவில்பட்டிக்கு மாற்றப்பட்டது.

இதையடுத்து கோவில்பட்டியில் உள்ள நேஷனல் பொறியியல் கல்லூரி,கே ஆர் கலை மற்றும் அறிவியல் கல்லூரி ஆகிய இரு இடங்களில் சனிக்கிழமை தேர்வு தொடங்கி நடைபெற்று வருகிறது.

தேர்வர்களுக்கு தேவையான வசதிகளை கோவில்பட்டி வட்டாசியர் லெனின் மற்றும் நேஷனல் பொறியியல் கல்லூரி நிர்வாகத்தினர் மேற்கொண்டு வருகின்றனர்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
X
Dinamani
www.dinamani.com