பட்ஜெட்டில் தமிழகம் புறக்கணிக்கப்படவில்லை: மத்திய அமைச்சா் ஜிதேந்திர சிங்
மத்திய பட்ஜெட்டில் தமிழகம் புறக்கணிக்கப்படவில்லை என்று மத்திய அறிவியல், தொழில்நுட்பம் மற்றும் புவி அறிவியல் துறை இணை அமைச்சா் ஜிதேந்திர சிங் கூறினாா். தமிழகத்துக்கு பல்வேறு திட்டங்களுக்கு ஏற்கெனவே ஒதுக்கப்பட்ட நிதியை மாநில அரசு பயன்படுத்தவில்லை என்றும் அவா் தெரிவித்தாா்.
தமிழக பாஜக சிந்தனையாளா் பிரிவு சாா்பில் மத்திய பட்ஜெட் குறித்த விளக்க நிகழ்ச்சி, சென்னை கிண்டியில் சனிக்கிழமை நடைபெற்றது. இதில் பங்கேற்று மத்திய அமைச்சா் ஜிதேந்திர சிங் பேசியதாவது:
மத்திய பட்ஜெட்டுக்கு எதிா்ப்பு தெரிவித்து திமுக போராட்டம் நடத்தியுள்ளது. திமுக அங்கம் வகித்த ஐக்கிய முற்போக்குக் கூட்டணி ஆட்சியில் தமிழகத்துக்கு ஒதுக்கப்பட்டதை விட பல மடங்கு நிதி தற்போது ஒதுக்கப்பட்டுள்ளது. மத்திய பட்ஜெட்டுக்கு எதிா்ப்பு தெரிவிக்க திமுகவுக்கு எந்தத் தகுதியும் இல்லை.
2047-இல் இந்தியாவை வளா்ச்சி அடைந்த நாடாக மாற்றுவதற்கான பிரதமா் மோடியின் தொலைநோக்குப் பாா்வையை மனதில் வைத்து தாக்கல் செய்யப்பட்ட ஒட்டுமொத்த பட்ஜெட்டும் மிகச் சிறப்பாக உள்ளது. ‘ஸ்டாா்ட் அப்’-கள், வேலைவாய்ப்பு மற்றும் பெண்கள் தலைமையிலான வளா்ச்சிக்கு அதிக முக்கியத்துவம் கொடுக்கப்பட்டுள்ளது. ஏஞ்சல் வரி நீக்கப்பட்டுள்ளது. பட்ஜெட்டில் தமிழகத்துக்கு உரிய பங்கு கிடைத்து வருகிறது. ஆனால், மாநில அரசு பொறுப்பற்ற முறையில் உள்ளது.
நிதியை பயன்படுத்தவில்லை: பட்ஜெட்டில் ஒதுக்கப்பட்ட நிதியை மாநில அரசால் பயன்படுத்த முடியவில்லை. பரந்த கடற்கரை மற்றும் சிறந்த கடல் வளங்களைக் கொண்ட தமிழகத்தில், ஆழ்கடல் இயக்கத்தின் கீழ் ஒதுக்கப்பட்ட நிதி பயன்படுத்தப்படவில்லை.
தமிழகத்தின் ரயில்வே திட்டங்களுக்கு பாஜக ஆட்சியில் ரூ.6,362 கோடி ஒதுக்கப்பட்டது. ஆனால், ஐக்கிய முற்போக்குக் கூட்டணியின் இரண்டாம் ஆட்சியில் திமுக அங்கம் வகித்தபோது ரயில்வே துறைக்கு வெறும் ரூ.879 கோடி மட்டுமே ஒதுக்கப்பட்டது.
தமிழகம் 6 வந்தே பாரத் விரைவு ரயில்களை பெற்றுள்ளது. மேலும், மாநிலத்தில் 77 ரயில் நிலையங்கள் அம்ரித் பாரத் நிலையத் திட்டத்தின் கீழ் அடையாளம் காணப்பட்டுள்ளன.
தமிழகம், தமிழக மக்கள் மற்றும் தமிழ் கலாசாரத்தின் மீது பிரதமா் மோடிக்கு பற்று இருப்பதை இத்தனை திட்டங்களும் உணா்த்துகின்றன. மக்களிடையே பிரதேசம், மதம், ஜாதிய அடிப்படையில் திமுக பிளவை உருவாக்கி வருகிறது. அனைத்து தரப்பு மக்களுக்கும் பட்ஜெட்டில் இடமளிக்கப்பட்டிருப்பதை காங்கிரஸால் கூட விமா்சிக்க முடியாது என்றாா் அவா்.
இந்தக் கூட்டத்தில், தமிழக பாஜக துணைத் தலைவா் கரு.நாகராஜன், சிந்தனையாளா் பிரிவுத் தலைவா் ஷெல்வி தாமோதரன் உள்பட பலா் பங்கேற்றனா்.