சநாதன தா்மம் குறித்த உதயநிதி பேச்சுக்கு எதிரான வழக்குகளை சென்னைக்கு மாற்றகோரும் விவகாரம்: உச்சநீதிமன்றம் நோட்டீஸ்

நமது சிறப்பு நிருபா்

சநாதன தா்ம பேச்சு தொடா்பாக உதயநிதி ஸ்டாலினுக்கு எதிராக 6 மாநிலங்களில் தொடரப்பட்ட வழக்கை இணைத்து ஒரே இடத்தில் விசாரிக்க (சென்னைக்கு மாற்ற) கோரும் வழக்கில் புதிதாக இணைந்திருப்பவா்களும் பதிலளிக்கக் கூறி உச்சநீதிமன்றம் வெள்ளிக்கிழமை நோட்டீஸ் அனுப்ப உத்தரவிட்டு வழக்கு விசாரணையை ஒத்திவைத்துள்ளது.

கடந்தாண்டு செப்டம்பா் மாதம் தமிழக முற்போக்கு எழுத்தாளா்கள் சங்க கூட்டத்தில் தமிழக அமைச்சா் உதயநிதி ஸ்டாலின் சநாதன தா்மம் குறித்து பேசிய பேச்சு சா்ச்சையை கிளப்பியது.

இதுகுறித்து நாடுமுழுவதும் பாஜக மற்றும் வலதுசாரி ஆதரவாளா்கள் மத்தியில் எதிா்ப்பு கிளம்பியதோடு உதயநிதி மீது மகாராஷ்டிரம், கா்நாடகம், ராஜஸ்தான், பிகாா், உ.பி., ஜம்மு-காஷ்மீா் ஆகிய 6 மாநிலங்களில் காவல் நிலையங்களில் வழக்குப்பதிவு செய்யப்பட்டதோடு சில தனிநபா் புகாா்கள் உள்ளிட்ட 7 வழக்குகள் தொடரப்பட்டு இருந்தது.

வெளிமாநில காவல் நிலையங்களில் பதிவு செய்யப்பட்ட இந்த முதல் தகவல் அறிக்கைகளையும், நீதிமன்ற வழக்குகள் அனைத்தையும் சென்னை தேனாம்பேட்டை இ-3 காவல் நிலையத்திற்கு மாற்றக் கோரும் ரிட் மனுவை (கடந்த மாா்ச் மாதம்) உதயநிதி சாா்பில் உச்சநீதிமன்றத்தில் தாக்கல் செய்யப்பட்டிருந்தது.

அதில் அவா் தரப்பில், பல்வேறு திராவிடத் தலைவா்களின் அடிச்சுவடுகளை பின்பற்றும் உதயநிதி ஸ்டாலின் திராவிட சித்தாந்தத்தை கடைப்பிடித்து பிரசாரம் செய்து வருகிறாா். அவருக்கு எதிராக பல்வேறு பாஜக ஆளும் மாநிலங்களில் வழங்கு பதிவு செய்யப்பட்டிருப்பதால் அங்கு அவருக்கு பாதுகாப்பு இல்லை. குறிப்பாக உ.பி. மாநிலத்தில் அயோத்தியில் உள்ள தபஸ்வி சாவ்னி கோயில் அா்ச்சகரே ஒருவா் தலையை துண்டிக்கும் அளவில் பேசியுள்ளாா் என தெரிவிக்கப்பட்டிருந்தது. மேலும், இந்த வழங்குகள் அனைத்தும் ஒன்றிணைத்து சென்னையில் விசாரணை மேற்கொள்ள உத்தரவிடுமாறு மனு தாக்கல் செய்யப்பட்டிருந்தது.

கடந்த மாதம், உச்சநீதிமன்ற நீதிபதிகள் சஞ்சீவ் கன்னா, தீபாங்கா் தத்தா அமா்வு முன் மனு விசாரணைக்கு வந்தபோது, ‘இந்த ரிட் மனு அரசமைப்புச் சட்டப்பிரிவு 32-இன் கீழ் தாக்கல் செய்யப்பட்டிருக்கும் நிலையில் உச்ச நீதிமன்றம் தலையிட்டு உத்தரவிட முடியாது. குற்றவியல் நடைமுறைச் சட்டப்பிரிவு 406-இன் கீழ் தாக்கல் செய்யப்படும் பட்சத்திலேயே அனைத்து வழக்குகளையும் ஒன்றிணைத்து ஒரு இடத்திற்கு மாற்றும் விவகாரம் குறித்து விசாரிக்க முடியும்’’ என உச்சநீதிமன்ற நீதிபதிகள் குறிப்பிட்டு மனுவை திருத்தவும் அனுமதித்தனா்.

இதையடுத்து, உதயநிதி ஸ்டாலின் சாா்பில் திருத்தப்பட்ட மனுவை வழக்குரைஞா்கள் பி.வில்சன், பூா்விஷ் ஜிதேந்திர மல்கான் ஆகியோா் மே 3 ஆம் தேதி தாக்கல் செய்தனா். தொடா்ந்து இந்த வழக்கு விசாரணை வெள்ளிக்கிழமை உச்சநீதிமன்ற நீதிபதி சஞ்சீவ் கன்னா அமா்வு முன் நடைபெற்றது.

மனுதாரா் உதயநிதி சாா்பில் வழக்குரைஞா்கள் அபிஷேக் மனு சிங்வி, பி.வில்சன், அதுல் சிட்லே உள்ளிட்டோா் ஆஜராகினா்.

அப்போது வழக்குரைஞா்கள் தரப்பில், நீதிபதிமன்றம் கூறியதைப் போலவே மனுவில் திருத்தங்கள் செய்யப்பட்டு இருப்பதாக தெரிவிக்கப்பட்டது. இந்த திருத்தங்களை ஏற்றுக் கொண்ட நீதிபதிகள், இந்த மனுவில் மேலும் புதிதாக சிலரும் இணைந்திருப்பதாக கூறி அவா்கள் உள்ளிட்டவா்களும் பதிலளிக்கவும் உத்தரவு பிறப்பித்து மனு விசாரணையை ஒத்திவைத்தனா்.