முதல்வா், அமைச்சா்களுக்கு ஆடை கட்டுப்பாடு: நீதிமன்றத்தில் வழக்கு

சென்னை: அரசு நிகழ்வுகளில் பங்கேற்கும்போது தமிழக முதல்வா், துணை முதல்வா் மற்றும் அமைச்சா்கள் அணிய வேண்டிய உடை தொடா்பாக ஆடை கட்டுப்பாடு விதிகளை வகுக்கக் கோரி உயா்நீதிமன்றத்தில் புதிதாக வழக்கு தொடரப்பட்டுள்ளது.

இது தொடா்பாக சென்னை உயா்நீதிமன்றத்தில் வழக்குரைஞா் பி.பிரவீண் சமாதானம் தாக்கல் செய்த பொதுநல மனுவில் கூறியிருப்பதாவது:

தமிழக துணை முதல்வரான உதயநிதி ஸ்டாலின் திமுகவின் கொடி, சின்னம் பொறித்த டி-சா்ட் அணிந்து அரசு நிகழ்வுகளில் பங்கேற்பது என்பது அரசியல் சாசன விதிகளுக்கு எதிரானது. கட்சி பாகுபாடின்றி நடுநிலைமையுடன் செயல்பட வேண்டிய துணை முதல்வா் கட்சி சின்னத்துடன் கூடிய டி-சா்ட் அணிந்து நலத்திட்ட உதவிகளை வழங்கினால் அது திமுகவின் சாா்பில் வழங்குவது போன்ற தோற்றத்தை ஏற்படுத்திவிடும். இதன்மூலம் அவா் கட்சிக்கு ஆதாயம் தேடுகிறாா்.

சட்டவிரோதம்: அரசு ஊழியா்களுக்கான ஆடை கட்டுப்பாடு விதிகளை துணை முதல்வா் உதயநிதி ஸ்டாலின் பின்பற்றாதது சட்டவிரோதமானது. எனவே, அரசு நிகழ்வுகளில் பங்கேற்கும்போது துணை முதல்வா் உதயநிதி ஸ்டாலின் கட்சி சின்னம் பொறித்த டி-சா்ட் அணிய தடை விதிக்க வேண்டும். அத்துடன் முதல்வா், துணை முதல்வா் மற்றும் அமைச்சா்களுக்கான ஆடை கட்டுப்பாடு தொடா்பான விதிகளை வகுக்க தமிழக அரசுக்கு உத்தரவிட வேண்டும் கோரியுள்ளாா்.

இந்த மனு விரைவில் விசாரணைக்கு வரவுள்ளது. ஏற்கெனவே துணை முதல்வா் உதயநிதி ஸ்டாலின் கட்சி சின்னம் பொறித்த டி-சா்ட் அணிவதை எதிா்த்தும், கலாசார ரீதியிலான உடை அணிய வலியுறுத்தியும் சேலையூரைச் சோ்ந்த வழக்குரைஞா் சத்யகுமாா் என்பவா் தொடா்ந்துள்ள வழக்கு நிலுவையில் உள்ளது என்பது குறிப்பிடத்தக்கது.