தங்கம் விலை அதிரடி உயர்வு! இன்றைய நிலவரம்

சென்னையில் ஆபரணத் தங்கத்தின் விலை புதன்கிழமை மீண்டும் உயர்ந்து ரூ. 57,000-ஐ எட்டவுள்ளது.

கடந்த வாரம் கிடுகிடுவென உயர்ந்த தங்கத்தின் விலை புதிய உச்சத்தை அடைந்து ஒரு சவரன் ரூ. 56,800-க்கு விற்பனையாகி மக்களை அதிர்ச்சிக்கு உள்ளாக்கியது.

இந்த வாரத் தொடக்கம்முதல் தங்கத்தின் விலை சற்று குறைந்து செவ்வாய்க்கிழமை காலை ரூ. 56,400-க்கு விற்கப்பட்டது.

அதிரடி ஏற்றம்

இந்த நிலையில், சென்னையில் 22 கேரட் ஆபரணத் தங்கத்தின் விலை சவரனுக்கு ரூ. 400 உயர்ந்து, ரூ. 56,800-க்கும், ஒரு கிராம் ரூ. 7,100-க்கும் விற்பனை செய்யப்படுகிறது.

அதேபோல், 24 கேரட் தங்கமும் ரூ. 400 உயர்ந்து ரூ. 60,440-க்கும், ஒரு கிராம் ரூ. 7,555-க்கும் புதன்கிழமை விற்பனை செய்யப்பட்டு வருகின்றது.

வெள்ளி விலை

வெள்ளியின் விலை எவ்வித மாற்றமும் இன்றி ஒரு கிராம் ரூ. 101-க்கும், ஒரு கிலோ கட்டி வெள்ளி ரூ. 1,01,000-க்கும் விற்பனை செய்யப்பட்டு வருகின்றது.