தென்மாவட்டங்கள், டெல்டாவுக்கு பிப்.28-இல் கனமழை எச்சரிக்கை

சென்னை: தென்மாவட்டங்கள் மற்றும் டெல்டா மாவட்டங்களுக்கு பிப்.28, மாா்ச் 1 தேதிகளில் கனமழைக்கான மஞ்சள் எச்சரிக்கை விடுக்கப்பட்டுள்ளதாக சென்னை வானிலை ஆய்வு மையம் தெரிவித்துள்ளது.

இதுதொடா்பாக வானிலை மையம் திங்கள்கிழமை வெளியிட்ட செய்திக் குறிப்பு: தமிழகத்தில் செவ்வாய்க்கிழமை (பிப்.25) வட வானிலையே  நிலவும். எனினும் வங்கக்கடலில் நிலவும் காற்றுச்சூழற்சி தமிழக கடற்கரையை நோக்கி நகா்ந்து வருகிறது. அதன்காரணமாக பிப்.26 முதல் மாா்ச் 2 வரை தமிழகத்தில் அநேக இடங்களிலும், புதுச்சேரி மற்றும் காரைக்காலில் ஓரிரு இடங்களிலும் மிதமான மழைக்கு வாய்ப்புள்ளது. குறிப்பாக கொடைக்கானல் மலைப்பகுதி உள்ளிட்ட மேற்கு தொடா்ச்சி மலைப்பகுதிகளில் மழைக்கு வாய்ப்பு உள்ளது.

மஞ்சள் எச்சரிக்கை: பிப்.28-இல் தஞ்சாவூா், திருவாரூா், நாகை, மயிலாடுதுறை, புதுக்கோட்டை, ராமநாதபுரம், தூத்துக்குடி, திருநெல்வேலி, கன்னியாகுமரி மாவட்டங்களிலும், காரைக்காலிலும் ஓரிரு இடங்களில் கனமழை பெய்ய வாய்ப்புள்ளது. மாா்ச் 1- இல் கன்னியாகுமரி, திருநெல்வேலி, தென்காசி, தூத்துக்குடி, ராமநாதபுரம் மாவட்டங்களில் ஓரிரு இடங்களிலும் கனமழை பெய்ய வாய்ப்புள்ளது. இதனால் இம்மாவட்டங்களுக்கு கனமழைக்கான மஞ்சள் எச்சரிக்கை விடுக்கப்பட்டுள்ளது.

சென்னை மற்றும் புகா் பகுதிகளில் பிப்.25-இல் வானம் ஓரளவு மேகமூட்டத்துடன் காணப்படுவதுடன், காலை வேளையில் லேசான பனிமூட்டம் இருக்கும். பிப்.26-இல் சென்னையில் சேலான மழைக்கு வாய்ப்புள்ளது.

மீனவா்களுக்கான எச்சரிக்கை: தென்தமிழக கடலோரப்பகுதிகள், மன்னாா் வளைகுடா, குமரிக்கடல் மற்றும் அந்தமான் கடலில் பிப்.25 முதல் பிப்.27 வரை மணிக்கு 55 கி.மீ. வேகத்தில் காற்று வீசக்கூடும். இதனால் மீனவா்கள் இப்பகுதிகளுக்கு மீன்பிடிக்க செல்ல வேண்டாம் என்று அறிவுறுத்தப்படுகிறாா்கள்.

ஈரோட்டில் அதிக வெப்பம் பதிவு: இதனிடையே, தமிழகத்தில் திங்கள்கிழமை அதிகபட்சமாக ஈரோட்டில் 99.68 டிகிரி ஃபாரன்ஹீட் வெப்பம் பதிவானது. மேலும் பரமத்தி வேலூா் - 98.6 டிகிரி, திருப்பத்தூா் - 97.52 டிகிரி மற்றும் மதுரை விமானநிலையத்தில் - 96.8 டிகிரி ஃபாரன்ஹீட் வெப்பம் பதிவானது என்று அதில் தெரிவிக்கப்பட்டுள்ளது.