பிப். 6, 7ல் நெல்லை செல்கிறார் முதல்வர்! மாஞ்சோலை தோட்டத் தொழிலாளர்களுடன் சந்திப்பு!

வருகிற பிப். 6, 7 ஆம் தேதிகளில் முதல்வர் மு.க. ஸ்டாலின் நெல்லை மாவட்டத்துக்குச் செல்லவிருக்கிறார்.

தமிழக முதல்வர் மு.க. ஸ்டாலின் ஒவ்வொரு மாவட்டமாகச் சென்று கள ஆய்வுப்பணிகளை மேற்கொண்டு வருகிறார். மேலும் அந்தந்த மாவட்டங்களில் திட்டப் பணிகளையும் தொடக்கிவைக்கிறார்.

இதையும் படிக்க | மீனவர்கள் கைது: மத்திய அமைச்சருக்கு புதுச்சேரி முதல்வர் ரங்கசாமி கடிதம்!

இந்நிலையில் வருகிற பிப். 6, 7 ஆம் தேதிகளில் நெல்லை செல்லும் முதல்வர் ஸ்டாலின், அங்கு பல்வேறு நிகழ்ச்சிகளில் கலந்துகொள்கிறார். முடிவுற்ற திட்டப்பணிகளைத் தொடக்கிவைக்கிறார்.

அப்போது மாஞ்சோலை தேயிலைத் தோட்டத் தொழிலாளர்களை முதல்வர் ஸ்டாலின் சந்தித்துப் பேசவுள்ளதாகவும் அதன்பின்னர் மீனவர்களையும் சந்திக்கவிருப்பதாகவும் அமைச்சர் கே.என். நேரு தகவல் தெரிவித்துள்ளார்.