திண்டுக்கல்: வேன் மோதி 4 சிறார்கள் பலி!

திண்டுக்கல்லில் வேன் மோதியதில் 4 சிறார்கள் பலியான நிகழ்வு சோகத்தை ஏற்படுத்தியுள்ளது.

திண்டுக்கல் மாவட்டம், வடமதுரை அருகே கொல்லம்பட்டி பகுதியில் சாலையோரத்தில் ஞாயிற்றுக்கிழமை விளையாடிக்கொண்டிருந்த சிறுவர்கள் மீது வேன் மோதியது.

இந்த சம்பவத்தில் 3 சிறுமிகள் உள்பட 4 சிறார்கள் சம்பவ இடத்திலேயே பலியாகினர். விபத்தைத் தொடர்ந்து வேன் சம்பவ இடத்தில் இருந்து நிற்காமல் சென்றுவிட்டதாகக் கூறப்படுகிறது.

மேலும் விபத்து குறித்து போலீஸார் விசாரணை மேற்கொண்டு வருகின்றனர். ஆடு மேய்த்த தம்பதியின் உறவினர்களின் குழந்தைகள் சாலையோரத்தில் விளையாடியபோது இந்த விபத்து நிகழ்ந்துள்ளது.