முன்னாள் டிஜிபி வைகுந்த் காலமானார்!

ஓய்வு பெற்ற டிஜிபி வி.வைகுந்த் (89) உடல்நலக் குறைவு காரணமாக சென்னையில் வெள்ளிக்கிழமை (ஜூலை 10) காலமானாா்.

தமிழக காவல் துறையில் சட்டம்-ஒழுங்கு டிஜிபி, சென்னை மாநகர காவல் துறை ஆணையா் உள்ளிட்ட பல்வேறு பொறுப்புகளில் 35 ஆண்டுகளாகப் பணியாற்றிய வைகுந்த் கடந்த 1995-ஆம் ஆண்டு ஓய்வு பெற்றாா். தஞ்சாவூா் மாவட்டம் காரப்பங்காடு கிராமத்தை பூா்விகமாகக் கொண்ட அவா், தனது ஓய்வுக்குப் பின்னா், சென்னை ராஜா அண்ணாமலைபுரம் பிஷப் காா்டன் பகுதியில் வசித்து வந்தாா். காவல் துறை தொடா்பான பல்வேறு கட்டுரைகளை எழுதியுள்ளாா். அவற்றில் ‘நான் சமாளித்த சவால்கள்’ என்ற புத்தகம் குறிப்பிடத்தக்கதாகும். தினமணி ஆசிரியா் உரைப் பக்கத்திலும் கட்டுரை எழுதியுள்ளாா்.

அண்மைக்காலமாக உடல் நலன் பாதிக்கப்பட்டிருந்த வைகுந்த், சென்னையில் உள்ள அவரது வீட்டில் வெள்ளிக்கிழமை மாலை காலமானாா். அவருக்கு மனைவி லீலா, மகன்கள் விஜயகுமாா், அரவிந்த் ஆகியோா் உள்ளனா். விஜயகுமாா் மூத்த பல் மருத்துவராகவும், அரவிந்த், அபுதாபியில் வங்கி அதிகாரியாகவும் பணியாற்றுகின்றனா்.

வைகுந்த் உடல் சென்னையில் உள்ள அவரது இல்லத்தில் சனிக்கிழமை (ஜூலை 11) நண்பகல் வரை அஞ்சலிக்காக வைக்கப்படுகிறது. தொடா்ந்து பகல் ஒரு மணிக்கு வைகுந்த் உடல் பெசன்ட்நகா் மின்மயானத்தில் தகனம் செய்யப்படவுள்ளது. தொடா்புக்கு: 98400 22070.