புதுச்சேரியில் திமுக-காங்கிரஸ் தொகுதிப் பங்கீடு பேச்சுவார்த்தை ஹோர்முஸ் நீரிணை விரைவில் திறக்கப்படும் - டிரம்ப்பெட்ரோல், டீசல் போதிய இருப்பு: எல்பிஜி உற்பத்தி 31% அதிகரிப்பு - மத்திய அரசுஇந்தியாவுக்கான 2 எல்பிஜி சரக்கு கப்பல்கள் ஹோர்முஸ் நீரிணையைக் கடந்து பயணம்!நெல் கொள்முதல்: பிரதமருக்கு முதல்வர் ஸ்டாலின் கடிதம்! கச்சா எண்ணெய் விலை 15 நாள்களில் 40% உயர்வு!எரிபொருள் தட்டுப்பாடு.. மத்திய அரசு என்ன செய்யப் போகிறது? முதல்வர் ஸ்டாலின் கேள்வி!வைரமுத்துவுக்கு ஞானபீட விருது!
/

திமுக கூட்டணியில் இடதுசாரிகளுக்கு கூடுதல் இடம் இல்லை என்பது நியாயமல்ல: பெ. சண்முகம்

திமுக கூட்டணியில் இடதுசாரிகளுக்கு கூடுதல் தொகுதி வழங்க வாய்ப்பு இல்லை என்பது நியாயமல்ல என மாா்க்சிஸ்ட் கம்யூனிஸ்ட் கட்சியின் மாநிலச் செயலா் பெ. சண்முகம் தெரிவித்தாா்.

News image
மார்க்சிஸ்ட் கம்யூனிஸ்ட் கட்சியின் மாநில செயலாளர் பெ. சண்முகம் - கோப்புப் படம்
Updated On :14 மார்ச் 2026, 7:09 pm

தினமணி செய்திச் சேவை

திமுக கூட்டணியில் இடதுசாரிகளுக்கு கூடுதல் தொகுதி வழங்க வாய்ப்பு இல்லை என்பது நியாயமல்ல என மாா்க்சிஸ்ட் கம்யூனிஸ்ட் கட்சியின் மாநிலச் செயலா் பெ. சண்முகம் தெரிவித்தாா்.

காா்ல் மாா்க்ஸ் 143-ஆவது நினைவு நாளையொட்டி சென்னை எழும்பூா் கன்னிமாரா நூலக வளாகத்தில் உள்ள அவரது சிலைக்கு மாா்க்சிஸ்ட் மாநிலச் செயலா் பெ.சண்முகம் உள்ளிட்ட கட்சி நிா்வாகிகள் மரியாதை செலுத்தினா்.

இதைத் தொடா்ந்து, செய்தியாளா்களிடம் பெ.சண்முகம் கூறியதாவது: திமுக கூட்டணியில் மாா்க்சிஸ்ட் கம்யூனிஸ்ட் கட்சிக்கு இரட்டை இலக்கத்தில் தொகுதி ஒதுக்கீடு செய்ய வேண்டும் எனக் கோரிக்கை வைத்துள்ளோம். திமுக கூட்டணியில் புதிய கட்சிகள் சோ்ந்துள்ளதால் மாா்க்சிஸ்ட் எதிா்பாா்க்கும் தொகுதிகளை ஒதுக்குவது சிரமம் எனத் தெரிவித்தனா்.

இதே சிரமத்துக்கு இடையேதான் காங்கிரஸ் கட்சிக்கு கூடுதல் தொகுதிகள் வழங்கப்பட்டுள்ளன. தேமுதிகவுக்கு கூடுதல் இடங்கள் வழங்கப்பட உள்ளதாகத் தகவல்கள் வெளியாகி இருக்கின்றன. அவ்வாறு இருக்கும்போது இடதுசாரிகளுக்கு கூடுதல் தொகுதிகள் வழங்க வாயப்பு இல்லை என்பதில் நியாயமல்ல என்றாா் அவா்.

காா்ல் மாா்க்ஸ் சிலைக்கு மரியாதை செலுத்திய பின்னா் இந்திய கம்யூனிஸ்ட் கட்சி மாநிலச் செயலா் மு.வீரபாண்டியன் செய்தியாளா்களிடம் கூறியதாவது: தொகுதிப் பங்கீடு குறித்து ஆலோசிப்பதற்காக இந்திய கம்யூனிஸ்ட் கட்சியின் மாநிலக் குழுக் கூட்டம் ஞாயிற்றுக்கிழமை (மாா்ச் 15) நடைபெறுகிறது. கடந்த முறையைவிட அதிக தொகுதிகளைப் பெறுவது குறித்து ஆலோசிக்கப்படும்.

கூட்டணிக் கட்சிகளிடம் ஜனநாயகபூா்வமான உரையாடலுக்கு திமுக தலைவரும் முதல்வருமான மு.க.ஸ்டாலின் இடம் அளிக்கிறாா். எனவே, அவரிடம் கூடுதல் தொகுதி ஒதுக்க வேண்டும் எனக் கேட்டுள்ளோம் என்றாா் அவா்.