செய்தி மடல்
இ-பேப்பர்
/
வீட்டிற்கு வந்த முதல்வர் சி. ஜோசப் விஜய்யை, மதிமுக பொதுச் செயலாளர் வைகோ கார் வரை சென்று வழியனுப்பி வைத்தார்.
முன்னதாக வீட்டு வாசலில் விஜய்யுடன் நின்றவாறு தொண்டர்களைப் பார்த்து கையசைத்து உற்சாகப்படுத்தினார். விஜய்யுன் வைகோவுடன் சேர்ந்து தொண்டர்களை நோக்கி கையசைத்தார்.
சென்னை அண்ணா நகரில் உள்ள மதிமுக பொதுச் செயலாளர் வைகோ இல்லத்திற்கு முதல்வர் ஜோசப் விஜய் இன்று (மே 11) வருகைப்புரிந்தார்.
வைகோவின் மகன் துரை வைகோ, வீட்டு வாசலுக்கு வந்து விஜய்க்கு மாலை அணிவித்து பொன்னாடை போர்த்தி வரவேற்றார். பின்னர் விஜய்யை வீட்டினுள் துரை வைகோ அழைத்துச் சென்றார்.
வீட்டினுள் விஜய்க்கு பொன்னாடை போர்த்தி வைகோ மாலை அணிவித்தார். பின்னர் குழுவாக புகைப்படம் எடுத்துக்கொண்டனர். வீட்டிற்குள் வைகோவை சந்தித்து விஜய் நலம் விசாரித்தார். முதல்வராக பதவியேற்ற விஜய்க்கு, வைகோ வாழ்த்துகளைத் தெரிவித்தார்.
பின்னர் புறப்பட்ட விஜய்யை வாசலுக்கு அழைத்துச் சென்ற வைகோ, தொண்டர்களை உற்சாகப்படுத்தும் வகையில் விஜய்யுடன் இணைந்து கையசைத்தார். தொடர்ந்து கார் வரை சென்று விஜய்யை வழியனுப்பி வைத்தார்.
கார் வரை சென்று விஜய்யை வழியனுப்பும் வைகோ - எக்ஸ்
இந்த விடியோ சமூக வலைதளங்களில் பலரால் பகிரப்பட்டு வருகிறது.
முன்னதாக சென்னை ஆழ்வார்ப்பேட்டையில் உள்ள முன்னாள் முதல்வரும் திமுக தலைவருமான மு.க. ஸ்டாலின் இல்லத்திற்கு முதல்வர் விஜய் சென்று வாழ்த்து பெற்றார் என்பது குறிப்பிடத்தக்கது.
Summary
CM C Joseph vijay in vaiko residence Vaiko Escorts Vijay All the Way to His Car
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
