மணிப்பூரில் கடந்த மூன்று நாள்களில் கள்ளச்சாராயம் அருந்தி 8 பேர் பலி! இந்திய கபடி அணி முன்னாள் கேப்டன் யத்விந்தர் சிங் ஆம் ஆத்மியில் இணைவு! கொளத்தூர் எம்.எல்.ஏ. வி.எஸ். பாபுவின் உடல் தகனம்! குடியரசு துணைத் தலைவர் வருகை: சென்னையில் நவ. 21, 22 தேதிகளில் போக்குவரத்து மாற்றம் திருப்பரங்குன்றம் விவகாரம்; முதல்வர் விஜய்க்கு மு.க. ஸ்டாலின் கேள்வி!குட்கா முறைகேடு வழக்கு: சி. விஜயபாஸ்கர் மனு வாபஸ் மதுரை நகைக்கடை கொள்ளை வழக்கு: நிஷாந்தின் நீதிமன்றக் காவல் மேலும் நீட்டிப்பு ஒரே நேரத்தில் பணியாளர்கள் ராஜிநாமா செய்தனரா? வழிகாட்டுதல் தமிழ்நாடு விளக்கம்திருப்பரங்குன்றம் தூணில் தீபம் ஏற்ற அனுமதி! உச்ச நீதிமன்றத்தின் முக்கிய நிபந்தனைகள்!!

சிறுமிகள் பாலியல் வன்கொடுமை வழக்கு: ஜெம் வீரமணிக்கு குற்றப்பத்திரிகை நகல் அளிப்பு

சிறுமிகளை பாலியல் வன்கொடுமை செய்ததாக பதிவு செய்யப்பட்ட முதல் வழக்கின் குற்றப்பத்திரிகை நகல் ஜெம் வீரமணி உள்ளிட்ட மூவருக்கு போக்ஸோ நீதிமன்றம் வழங்கியது.

Veeramani

வீரமணி - கோப்புப்படம்

Updated On :

சிறுமிகளை பாலியல் வன்கொடுமை செய்ததாக பதிவு செய்யப்பட்ட முதல் வழக்கின் குற்றப்பத்திரிகை நகல் ஜெம் வீரமணி உள்ளிட்ட மூவருக்கு போக்ஸோ நீதிமன்றம் வழங்கியது.

சிறுமிகளை பாலியல் வன்கொடுமை செய்த வழக்கில், ஜெம் வீரமணி மீது, சிறுமியை தற்கொலைக்கு தூண்டியதாக ஒரு வழக்கு மற்றும் 8 போக்ஸோ வழக்குகள் என மொத்தம் 9 வழக்குகள் பதிவு செய்யப்பட்டுள்ளன. இந்த வழக்கை சிறப்பு புலனாய்வுக் குழு விசாரித்து வருகிறது.

இந்த வழக்குகளில், வீரமணி அவருக்கு உடந்தையாக இருந்த சாந்தி அவரது கணவா் மகேந்திர சிம்ஹன், வீரமணியின் உதவியாளா் கணேசன், ஓட்டுநா்கள் பாபு, பாா்த்திபன், லாசா் உள்பட 10 போ் கைது செய்யப்பட்டு சிறையில் அடைக்கப்பட்டுள்ளனா். வீரமணிக்கு எதிராக ஒவ்வொரு வழக்கிலும் ஆதாரங்களைத் திரட்டி, சிறப்பு புலனாய்வுக் குழு தனித்தனியாக குற்றப்பத்திரிகை தாக்கல் செய்ய தீவிர நடவடிக்கை எடுத்து வருகிறது.

இந்த நிலையில், வீரமணிக்கு எதிராக பதிவு செய்யப்பட்ட முதல் வழக்கில் சிறப்பு புலனாய்வுக் குழு, வீரமணி, காா் ஓட்டுநா்கள் பாபு மற்றும் பாா்த்திபன் ஆகியோா் மீது 720 பக்கங்களைக் கொண்ட குற்றப்பத்திரிகையை சென்னை போக்ஸோ நீதிமன்றத்தில் தாக்கல் செய்திருந்தது.

அந்த குற்றப்பத்திரிகையின் நகல் வீரமணி உள்ளிட்ட மூவருக்கும், வெள்ளிக்கிழமை வழங்கப்பட்டது. அப்போது, போக்ஸோ நீதிமன்ற நீதிபதி எஸ்.பத்மா முன் வீரமணி உள்ளிட்ட மூவரையும் போலீஸாா் புழல் சிறையில் இருந்து காணொலிக் காட்சி வாயிலாக ஆஜா்படுத்தினா். இதையடுத்து வழக்கு விசாரணையை நவ. 24-ஆம் தேதிக்கு ஒத்திவைத்து நீதிபதி உத்தரவிட்டாா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.