மணிப்பூரில் கடந்த மூன்று நாள்களில் கள்ளச்சாராயம் அருந்தி 8 பேர் பலி! இந்திய கபடி அணி முன்னாள் கேப்டன் யத்விந்தர் சிங் ஆம் ஆத்மியில் இணைவு! கொளத்தூர் எம்.எல்.ஏ. வி.எஸ். பாபுவின் உடல் தகனம்! குடியரசு துணைத் தலைவர் வருகை: சென்னையில் நவ. 21, 22 தேதிகளில் போக்குவரத்து மாற்றம் திருப்பரங்குன்றம் விவகாரம்; முதல்வர் விஜய்க்கு மு.க. ஸ்டாலின் கேள்வி!குட்கா முறைகேடு வழக்கு: சி. விஜயபாஸ்கர் மனு வாபஸ் மதுரை நகைக்கடை கொள்ளை வழக்கு: நிஷாந்தின் நீதிமன்றக் காவல் மேலும் நீட்டிப்பு ஒரே நேரத்தில் பணியாளர்கள் ராஜிநாமா செய்தனரா? வழிகாட்டுதல் தமிழ்நாடு விளக்கம்திருப்பரங்குன்றம் தூணில் தீபம் ஏற்ற அனுமதி! உச்ச நீதிமன்றத்தின் முக்கிய நிபந்தனைகள்!!

6 மாவட்டங்களில் நாளை போலியோ சிறப்பு முகாம்

தமிழகத்தின் 6 மாவட்டங்களில் சிறப்பு போலியோ சொட்டு மருந்து முகாம் ஞாயிற்றுக்கிழமை (நவ. 22) நடைபெற உள்ளது.

போலியோ சொட்டு மருந்து முகாம் - கோப்புப்படம்

Updated On :

தமிழகத்தின் 6 மாவட்டங்களில் சிறப்பு போலியோ சொட்டு மருந்து முகாம் ஞாயிற்றுக்கிழமை (நவ. 22) நடைபெற உள்ளது.

அதன்படி, செங்கல்பட்டு, மயிலாடுதுறை, தஞ்சாவூா், சிவகங்கை, திருநெல்வேலி, விருதுநகா் ஆகிய மாவட்டங்களில் உள்ள 5 வயதுக்குள்பட்ட 9.16 லட்சம் குழந்தைகளுக்கு சொட்டு மருந்து வழங்க இலக்கு நிா்ணயிக்கப்பட்டுள்ளது.

இதுகுறித்து வெளியிடப்பட்ட அறிவிப்பு:

போலியோ பாதிப்பை முற்றிலும் ஒழித்த தேசமாக இந்தியா விளங்கி வருகிறது. இருந்தபோதிலும், அண்டை நாடுகளில் அந்த பாதிப்புகள் காணப்படுகின்றன. இதைக் கருத்தில் கொண்டு இந்திய போலியோ வைரஸ் நிபுணா் ஆலோசனைக் குழுவானது, சில மதிப்பீடுகளின் அடிப்படையில் நாடு முழுவதும் 272 மாவட்டங்களில் சிறப்பு போலியோ முகாம்களை நடத்த அறிவுறுத்தியுள்ளது.

அதன்படி, தமிழகத்தில் 6 மாவட்டங்களில் வரும் 22-ஆம் தேதி காலை 7 மணி முதல் மாலை 5 மணி வரை சொட்டு மருந்து வழங்கப்படும். சுகாதார நிலையங்கள், பொது இடங்கள், பள்ளிகள், கல்லூரிகள் மட்டுமல்லாது தனியாா் மருத்துவமனைகளிலும் அவற்றை வழங்க நடவடிக்கை எடுக்கப்பட்டுள்ளது. இதைத் தவிர நடமாடும் முகாம்களும் அமைக்கப்பட்டுள்ளன.

ஒரு சில நாள்களுக்கு முன்பாக தடுப்பூசிகளோ, சொட்டு மருந்தோ செலுத்தப்பட்டிருந்தாலும், மீண்டும் இந்த முகாமில் சொட்டு மருந்து பெற்றுக் கொள்ள வேண்டும்.

அடையாளத்துக்காக குழந்தைகளின் இடது கை சுண்டு விரலில் மை வைக்கப்படும். இப்பணிகளில் 27 ஆயிரத்துக்கும் மேற்பட்ட ஊழியா்கள் ஈடுபடுத்தப்பட்டுள்ளனா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.