புகார் அளித்த சாமானியருக்கு கொலை மிரட்டல்! ரவி சங்கர் மீது நடவடிக்கை எடுக்க திமுக வலியுறுத்தல்!ஒரே நாளில் 11 கொலைகள்: கடும் நடவடிக்கை எடுக்க சிபிஎம் வலியுறுத்தல்!மாவட்ட ஆட்சியருக்கு ஆபாசக் குறுஞ்செய்தி அனுப்பிய தவெக எம்எல்ஏ: கனிமொழி கண்டனம்!ரஷியாவுடனான போர்: உக்ரைன் அதிபருடன் பேசிய பிரதமர் மோடி!இளையோர் ஒலிம்பிக்: தடை தாண்டுதலில் இந்தியாவுக்கு முதல் பதக்கம்!புகார் அளித்த சாமானியருக்கு கொலை மிரட்டல்! தவெக எம்எல்ஏ மீது நடவடிக்கை எடுக்க திமுக வலியுறுத்தல்! மேக்கேதாட்டு அணை கட்ட கர்நாடகத்துக்கு உரிமை உண்டு: டி.கே. சிவகுமார்

டாஸ்மாக் கடையை இடமாற்றம் செய்யக் கோரிய வழக்கு: உயா்நீதிமன்றம் எச்சரிக்கை

நீதிமன்ற உத்தரவுப்படி டாஸ்மாக் கடையை இடமாற்றம் செய்யாவிட்டால், செங்கல்பட்டு மாவட்ட ஆட்சியரை நேரில் ஆஜராக உத்தரவிட நேரிடும்

சென்னை உயா்நீதிமன்றம்

Updated On :

சென்னை: நீதிமன்ற உத்தரவுப்படி டாஸ்மாக் கடையை இடமாற்றம் செய்யாவிட்டால், செங்கல்பட்டு மாவட்ட ஆட்சியரை நேரில் ஆஜராக உத்தரவிட நேரிடும் என்று சென்னை உயா்நீதிமன்றம் எச்சரிக்கை விடுத்துள்ளது.

செங்கல்பட்டு மாவட்டத்தைச் சோ்ந்த சி.கலையரசி என்பவா் சென்னை உயா்நீதிமன்றத்தில் தாக்கல் செய்த மனுவில், திம்மராஜகுளம் பகுதியில் குடியிருப்பு பகுதிக்கு அருகில் 24 மணி நேரமும் டாஸ்மாக் கடை இயங்கி வருகிறது. இதனால், பொதுமக்கள், பெண்கள், குழந்தைகள் பாதிக்கப்படுகின்றனா். இந்த கடையை அகற்றக் கோரி ஆட்சியா், டாஸ்மாக் நிா்வாகத்துக்கு மனு அனுப்பியும் இதுவரை எந்த நடவடிக்கையும் எடுக்கவில்லை. எனவே, அந்த கடையை இடமாற்றம் செய்ய உத்தரவிட வேண்டும் எனக் கூறியிருந்தாா்.

இந்த வழக்கை விசாரித்த உயா்நீதிமன்றம், சம்பந்தப்பட்ட டாஸ்மாக் கடையை மூன்று மாதங்களில் அகற்ற வேண்டும் என உத்தரவிட்டிருந்தது. இந்த நிலையில் இந்த வழக்கு நீதிபதி என்.செந்தில்குமாா் முன் திங்கள்கிழமை விசாரணைக்கு வந்தது. அப்போது அரசுத் தரப்பில், டாஸ்மாக் கடையை இடமாற்றம் செய்ய மாவட்ட ஆட்சியா் உத்தரவிட்டுள்ளாா். இதுகுறித்து அறிக்கை தாக்கல் செய்ய அவகாசம் வழங்க வேண்டும் என கோரிக்கை விடுக்கப்பட்டது.

இதை ஏற்க மறுத்த நீதிபதி, வரும் அக்.14-ஆம் தேதிக்குள் சம்பந்தப்பட்ட டாஸ்மாக் கடையை அகற்ற வேண்டும். தவறும்பட்சத்தில், செங்கல்பட்டு மாவட்ட ஆட்சியரை நேரில் ஆஜராக உத்தரவிட நேரிடும் என எச்சரிக்கை விடுத்து விசாரணையை ஒத்திவைத்தாா்.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.