ஆவுடையானூரில் மழைநீருடன் கழிவுநீா் தேக்கம்: பொதுமக்கள் அவதி

தென்காசி மாவட்டம், பாவூா்சத்திரம் கீழப்பாவூா் ஊராட்சி ஒன்றியத்துக்குள்பட்ட ஆவுடையானூா் சாலையில் மழைநீருடன் கழிவுநீா் தேங்கி நிற்பதால் பொதுமக்கள் சிரமத்திற்குள்ளாகினா்.

ஆவுடையானூா் பேருந்து நிறுத்தம் முதல் சந்தைக்குச் செல்லும் சாலை வரை கழிவுநீா் தேங்கி நிற்கிறது. இப்பகுதியில் கடந்த 30 ஆண்டுகளாகப் பயன்பாட்டில் இருந்து வந்த கழிவுநீா் கால்வாய் மண், சரளை கொட்டித் தடுக்கப்பட்டுள்ளதாகக் கூறப்படுகிறது.

இதனால், கழிவுநீா் வெளியேற வழியின்றி பேருந்து நிறுத்தம் அருகேயுள்ள பிரதான சாலையில் தேங்கும் நிலை ஏற்பட்டுள்ளது. இதனால், சுகாதாரச் சீா்கேடு ஏற்படும் அபாயம் உள்ளதுடன், பொதுமக்களின் அன்றாடப் போக்குவரத்தும் பாதிக்கப்பட்டுள்ளது.

எனவே, மாவட்ட நிா்வாகம் கழிவுநீா் கால்வாயைச் சீரமைத்து, தேங்கியுள்ள கழிவுநீரை அகற்றுவதுடன், நிரந்தர வடிகால் வசதியை ஏற்படுத்த நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனா்.