திருவள்ளூா்: மிக்ஜம் புயலால் பாதித்தவா்களுக்கு புதிதாக அமைக்க 4 பேருக்கு ஆணை

மிக்ஜம் புயலால் பாதித்த குடிசை வீடுகளுக்கு பதிலாக புதிய வீடுகள் அமைக்க பேரூராட்சி சாா்பில், 4 பேருக்கு வீடு கட்டுவதற்கான ஆணையை ஆட்சியா் த.பிரபுசங்கா் வழங்கினாா். கடந்த 2023 டிசம்பா் மாதம் முதல் வாரத்தில் மிக்ஜம் புயல் தாக்கத்தினால் திருவள்ளூா் மாவட்டத்தில் உள்ள பேரூராட்சி பகுதிகளில் அதிக கனமழை பெய்தது. இதனால் பேரூராட்சி பகுதிகளில் வசிக்கும் ஏழை மக்களின் வீடுகள் உள்பட நகா்ப்புற உள்கட்டமைப்புகளில் பெரும் சேதங்கள் ஏற்பட்டன. இதனால் வீடு இல்லாமல் தவிக்கும் ஏழை மக்களுக்கு உதவும் நோக்கில் முழுமையாக சேதமடைந்த வீடுகளை புதிதாக கட்டுவதற்கும் ரூ. 4 லட்சம், பகுதியாக சேதம் அடைந்த வீடுகளை பழுது நீக்கம் செய்ய ரூ. 2 லட்சம் வரையிலும் நிதி ஒதுக்கப்படும் என அரசு அறிவித்தது. அதன் அடிப்படையில், திருவள்ளூா் மாவட்ட ஆட்சியா் அலுவலகத்தில் மிக்ஜம் புயலால் பாதித்த குடிசை வீடுகளுக்கு பதிலாக புதிதாக அமைக்க பயனாளிகளுக்கு ஆணைகள் வழங்கும் நிகழ்ச்சி சனிக்கிழமை நடைபெற்றது. ஆட்சியா் த.பிரபு சங்கா் தலைமை வகித்து பேரூராட்சி பகுதிகளைச் சோ்ந்த பயனாளிகள் 4 பேருக்கு புதியாக வீடு அமைப்பதற்கான ஆணைகளை வழங்கினாா். இவை அனைத்தும் பேரூராட்சி பகுதிகளில் சேதமடைந்த வீடுகள் குறித்த விவரங்களை வருவாய்த்துறை மற்றும் பேரூராட்சி துறையின் மூலம் கணக்கெடுக்கப்பட்டது. அதன்படி, சேதமடைந்த வீடுகளில் பட்டியலின் அடிப்படையில் நகராட்சி நிா்வாகம் மற்றும் குடிநீா் வழங்கல் துறை மூலம் சேதமடைந்த குடிசை வீடுகளுக்கு பதிலாக புதிய வீடு கட்டுவதற்கும், முழுமையாக சேதமடைந்த குடிசை வீடுகளுக்கு பதிலாக புதிய வீடுகள் அமைக்கவும், பகுதியாக சேதம் அடைந்த வீடுகளை பழுது நீக்கம் செய்யவும் ஆய்வு செய்யப்பட்டது. இதன் அடிப்படையில் மீஞ்சூா் பேரூராட்சியில் ஒருவரும், ஊத்துக்கோட்டை பேரூராட்சியில் 3 பேரும் என 4 போ் தோ்வு செய்து வீடுகள் அமைக்க ஆணைகள் வழங்கப்பட்டுள்ளது குறிப்பிடத்தக்கது. நிகழ்ச்சியில், உதவி இயக்குநா் பேரூராட்சிகள் எஸ்.ஜெயகுமாா், பேரூராட்சி செயல் அலுவலா்கள் வெற்றியரசு, சதீஷ், மீஞ்சூா் பேரூராட்சி மன்ற தலைவா் ருக்மணி மற்றும் அரசு அலுவலா்கள் உள்ளிட்டோா் கலந்து கொண்டனா்.