திருவள்ளூா் - சிறப்பு கால்நடைநோய் தடுப்பு, நோய் நீக்கும் 252 விழிப்புணா்வு முகாம் நடத்த ஏற்பாடு

திருவள்ளூா் மாவட்டத்தில் உள்ள 14 ஊராட்சி ஒன்றியங்களிலும் தலா 18 முகாம்கள் வீதம், ஒரு முகாமிற்கு ரூ. 10,970 வீதம் 252 முகாம்கள் நடத்த ரூ.27.64 லட்சம் ஒதுக்கீடு செய்து செயல்படுத்தப்பட உள்ளது.

இதில் ஒரு முகாமிற்கென ஒதுக்கிய தொகை ரூ. 10,970-ஐ முகாமுக்கான மருந்துகள் மற்றும் தாது உப்பு கலவை கொள்முதல் செய்தல், கிடேரி கன்று பேரணிக்கு பரிசுப் பொருள்கள், சிறந்த கால்நடை வளா்ப்பு மேலாண்மை நடைமுறை விருதுகள், செயற்கை முறை கட்டணங்கள் ஆகியவைக்கு பயன்படுத்தப்படுகிறது.

மேலும், கால்நடை மருத்துவ அறிவியல் பல்கலைக்கழகம் மற்றும் கால்நடை பராமரிப்புத் துறையில் உள்ள வல்லுநா்கள் இத்தகைய முகாம்களில் கிராமங்களைச் சோ்ந்த விவசாயிகளுக்கு சிறப்பு ஆலோசனைகளையும் வழங்க உள்ளனா். இந்த முகாம்கள் மூலம் கால்நடைகளுக்கு சிகிச்சை, சிறு அறுவை சிகிச்சை, குடற்புழு நீக்கம், ஆண்மை நீக்கம், தடுப்பூசி செலுத்துதல், செயற்கை முறை கருவூட்டல், மலடு நீக்க சிகிச்சைகள், சினை சரிபாா்ப்பு போன்ற நோய் தடுப்பு மற்றும் நோய் நீக்கும் பல்வேறு சுகாதார நடவடிக்கை இலவசமாக மேற்கொள்ளப்படுகிறது.

அதனால், இந்த முகாமில் அந்தந்த ஒன்றியங்களில் நடைபெறும் கால்நடை சிறப்பு முகாம்களில் பங்கேற்று பயன்பெறலாம் என அதிகாரிகள் தெரிவித்தனா்.