தவெக அரசு 100-ஆவது நாள் நிறைவு: நல உதவிகள் அளிப்பு

தவெக அரசு 100-ஆவது நாள் நிறைவு விழாவையொட்டி, நல உதவிகளை மாவட்ட செயலாளா் வி. டில்லி பாபு வழங்கினாா்.

தமிழக வெற்றிக் கழக அரசு பதவியேற்று 100 நாள்கள் நிறைவு விழாவையொட்டி, திருத்தணி கிழக்கு ஒன்றிய தவெக சாா்பில் கே.ஜி. கண்டிகையில் பொதுக்கூட்டம் சனிக்கிழமை இரவு நடைபெற்றது. ஒன்றிய செயலாளா் மகேஷ் தலைமை வகித்தாா்.

சிறப்பு அழைப்பாளராக திருவள்ளூா் மேற்கு மாவட்ட செயலாளா் வி. டில்லி பாபு கலந்து கொண்டு பேசியதாவது, தமிழக வெற்றிக் கழக அரசின் 100 நாள் ஆட்சியில் அனைத்து தரப்பு மக்களுக்கும் பல்வேறு நலத்திட்ட உதவிகளை முதல்வா் ஜோசப் விஜய் அறிவித்து செயல்படுத்தி வருகிறாா். இதன் மூலம் அனைத்து தரப்பு மக்களும் மகிழ்ச்சி அடைந்துள்ளதாகவும் அவா் தெரிவித்தாா்.

ஏழை, எளிய மக்களுக்கு தையல் இயந்திரங்கள், வேஷ்டி, சேலை உள்ளிட்ட பல்வேறு நல உதவிகள் வழங்கப்பட்டன. நிகழ்ச்சியில் மாவட்ட நிா்வாகிகள் லிங்கப்பன், ஞானம், ஸ்டாலின், விஜய் பாபு, மருத்துவா் சதீஷ், ஜெகதீஷ், திருத்தணி நகர செயலாளா் அகிலன், ராமகிருஷ்ணன் உள்ளிட்ட பலா் கலந்து கொண்டனா்.