‘நலன் காக்கும் ஸ்டாலின்’ மருத்துவ முகாமில் 1,350 போ் பங்கேற்பு

ஆா்.கே.பேட்டையில் நடைபெற்ற ‘நலம் காக்கும் ஸ்டாலின்’ மருத்துவ முகாமில் 16 கா்ப்பிணிகளுக்கு மாவட்ட சுகாதார அலுவலா் பிரியாராஜ் தாய்சேய் நல ஊட்டச்சத்து பெட்டகங்களை வழங்கினாா்.

தமிழக அரசின் ‘நலம் காக்கும் ஸ்டாலின்’ மருத்துவ முகாம் ஆா்.கே.பேட்டை அடுத்த தனியாா் கல்லூரியில் நடைபெற்றது. ஆா்.கே. பேட்டை வட்டார மருத்துவ அலுவலா் (பொ) ரேவதி தலைமை வகித்தாா். ஆா்.கே.பேட்டை வட்டார வளா்ச்சி அலுவலா் மெல்கி ராஜசிங் முன்னிலை வகித்தாா். வட்டார சுகாதார மேற்பாா்வையாளா் வெங்கடேசன் வரவேற்றாா்.

சிறப்பு அழைப்பாளராக மாவட்ட சுகாதார அலுவலா் பிரியாராஜ் மருத்துவ முகாமை தொடங்கி வைத்துப் பாா்வையிட்டாா்.

முகாமில், பொது மருத்துவம், இருதய மருத்துவம், எலும்பு, நரம்பியல், தோல், காது மூக்கு தொண்டை, மகப்பேறு, இயன்முறை, பல், கண் மருத்துவம் உள்ளிட்டவை இடம் பெற்றிருந்தன. முகாமில், ஊட்டச்சத்து மாவு, இரும்புச் சத்து டானிக், நெய், பேரீச்சம் பழம், மாத்திரைகள் அடங்கிய தாய்சேய் நல ஊட்டச்சத்து பெட்டகத்தை 16 கா்ப்பிணிகளுக்கு மாவட்ட சுகாதார அலுவலா் பிரியாராஜ் வழங்கினாா்.

இந்த மருத்துவ முகாமில் 20-க்கும் மேற்பட்ட கிராமங்களில் இருந்து 1,350-க்கும் மேற்பட்டோா் கலந்துகொண்டனா்.

முகாமில், சுகாதார ஆய்வாளா்கள் சலீம் பாஷா, பொன்னம்பலம், யோகேஷ், மருத்துவா்கள், மருத்துவப் பணியாளா்கள் மற்றும் செவிலியா்கள் பலா் கலந்துகொண்டனா்.