செய்தி மடல்
இ-பேப்பர்
இந்தியாவின் முன்னணி டூவீலர் நிறுவனங்களுள் ஒன்றான மஹிந்திரா, விழாக்காலத்தையொட்டி, தனது கஸ்டோ ஸ்கூட்டரின் இரண்டு சிறப்பு பதிப்புகளை வெளியிட்டிருக்கிறது.
பசிபிக் மேட் புளூ மற்றும் கிரிம்சன் மேட் ரெட் ஆகிய இரு ப்ரத்யோக வண்ணங்களில் வெளிவந்திருக்கும் இந்த சிறப்பு பதிப்பு, இணையவழி விற்பனை நிறுவனமான பேடிஎம் தளத்தில் கிடைக்கும். விரும்பும் வாடிக்கையாளர்கள் ரூ. 5000 முன்பணம் செலுத்தி பேடிஎம் இணையத்தளத்தில் பதிவு செய்துகொள்ளலாம்.
கஸ்டோவின் உச்ச வேரியண்டான VX-யை இரு புதிய வண்ணங்களில் சிறப்பு பதிப்பாக வெளியிட்டிருக்கும் மஹிந்திரா நிறுவனம், கால்பகுதியின் பேனல்களை, ஏற்கனவே இருக்கும் மாடல்களின் கருப்பு வண்ணத்திற்கு பதிலாக, பீஜ் வண்ணத்தில் அமைத்திருக்கிறது. மற்றபடி வேறெந்த இயந்திர மாற்றங்களும் செய்யப்படவில்லை.
109.6 சிசி சிங்கிள் சிலிண்டரைக்கொண்ட கஸ்டோ, அதிகபட்சமாக 8 பிஹெச்பி ஆற்றலையும், 9 என்எம் இழுவைத்திறனையும் கொண்டது. அராய் மதிப்பீட்டின்படி லிட்டருக்கு 63 கிமீ மைலேஜ் கொடுக்கும்.
தங்களது நிறுவன தயாரிப்புகளின் இணைய வழி விற்பனையை முன்னெடுத்து செல்லும் நடவடிக்கைகளின் ஒரு பகுதியாக, இந்த சிறப்பு பதிப்புகள் இணையத்தில் ப்ரத்யோகமாக அறிமுகம் செய்யப்பட்டிருப்பதாக மஹிந்திரா நிறுவனம் அறிவித்திருக்கிறது.
credits: hero bikes
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.