சாம்சங் கேலக்ஸிக்கு போட்டியாக களமிறங்கும் மோட்டோரோலாவின் புதுவரவு!

சாம்சங் கேலக்ஸி நோட் 10 சீரிஸ் ஸ்மார்ட்போனுக்கு போட்டியாக மோட்டோரோலாவின் புதுவரவு விரைவில் வரவுள்ளது.

சாம்சங் கேலக்ஸி நோட் 10 சீரிஸ் ஸ்மார்ட்போனின் இரண்டு மாடல்களை சமீபத்தில் அந்நிறுவனம் அறிமுகப்படுத்தியுள்ளது. இரண்டு போன்களிலும் அமோடு டிஸ்பிளேயுடன் எச்.டி.ஆர் 10 பிளஸ் சேவை மற்றும் டைனமிக் டோன் மேப்பிங் அறிமுகம் செய்யப்பட்டுள்ளது. 8 ஜிபி ரேம் மற்றும் 12 ஜிபி ரேம் வகைகளில் அறிமுகப்படுத்தப்பட்டுள்ளது.

சாம்சங் சீரிஸ் போன்களுக்கு என சந்தையில் வாடிக்கையாளர்கள் மத்தியில் ஒரு தனி வரவேற்பு உள்ள நிலையில், சாம்சங் கேலக்ஸி நோட் சீரிஸுக்கு போட்டியாக லெனோவாவுக்கு சொந்தமான மோட்டோரோலாவின் ஒரு புதிய ஸ்மார்ட்போன் சந்தைக்கு வரவுள்ளது. மிகவும் நவீன தொழில்நுட்பத்துடன் ஸ்டைலிஷ் ஆக புதிய அம்சங்களுடன் வரவுள்ளது.

மோட்டோரோலாவின் புதுவரவு குறித்த அம்சங்கள் சாம்சங் கேலக்ஸி நோட் அம்சங்களை ஒத்திருக்கும் என்று எதிர்பார்க்கப்படுகிறது. விரைவில் மோட்டோரோலாவின் புதிய ஸ்மார்ட் போன் குறித்த அம்சங்கள் வெளியாகும்.