வருகிற மார்ச் 6ம் தேதி சீனாவில் நடைபெறும் நிகழ்ச்சி ஒன்றில் ஓப்போ ஸ்மார்ட் வாட்ச் அறிமுகமாக உள்ளது.
ஓப்போ தனது புதிய ஸ்மார்ட்போனான ஃபைண்ட் எக்ஸ் 2 (Find X2) வெளியீட்டிற்குப் பின்னர் ஓப்போ ஸ்மார்ட் வாட்சை அறிமுகம் செய்யும் என்று தகவல் வெளியாகியிருந்தது. இந்நிலையில் மார்ச் 6ம் தேதி சீனாவில் நடைபெறும் நிகழ்ச்சி ஒன்றில் ஓப்போ ஸ்மார்ட் வாட்ச் அறிமுகமாக உள்ளதாக அதிகாரப்பூர்வ தகவல் வெளியாகியுள்ளது. இது மற்றொரு புதுவரவான ஃபைண்ட் எக்ஸ் 2 ஸ்மார்ட் போனுடன் சேர்ந்தே அறிமுகமாகும் என்று எதிர்பார்க்கப்படுகிறது.
ஆப்பிள் வாட்ச் போன்று காணப்படும் ஓப்போ வாட்சின் புகைப்படம் வெளியாகி சமூக வலைதளங்களில் வைரலானது. சதுர வடிவில் பார்ப்பதற்கு அழகாக இருக்கும் இந்த ஸ்மார்ட் வாட்ச் நவீன தொழில்நுட்பத்தில் வடிவமைக்கப்பட்டுள்ளது. தங்கம் மற்றும் கருப்பு நிறத்தில் வரும் இதன் வலது பக்கத்தில் இரண்டு பொத்தான்கள் இருக்கும். புதிதாக, 3டி கிளாஸுடன் அறிமுகமாகும் இந்த ஸ்மார்ட் வாட்ச் இளம் தலைமுறையினரை பெரிதும் கவரும் என்று எதிர்பார்க்கப்படுகிறது.
ஆப்பிள் வாட்ச் சீரிஸ் 4 மற்றும் ஆப்பிள் வாட்ச் சீரிஸ் 5ல் உள்ளதைப் போலவே ஓப்போ ஸ்மார்ட் வாட்சும் ஈ.சி.ஜி தகவலைக் கொண்டிருக்கும். மேலும் இதர பல உடல் இயக்க செயல்பாடுகளின் நிலைமையை கண்காணிக்கும். இதன் விலை குறித்த அறிவிப்பு இன்னும் வெளியாகவில்லை.