இன்டஸ்இண்ட் வங்கி: லாபம் 51% அதிகரிப்பு

 தனியாா் துறையைச் சோ்ந்த இன்டஸ்இண்ட் வங்கி மாா்ச் காலாண்டில் ஈட்டிய லாபம் 51 சதவீதம் அதிகரித்தது.

இதுகுறித்து அந்த வங்கி பங்குச் சந்தையிடம் வெள்ளிக்கிழமை கூறியுள்ளதாவது:

கடந்த நிதியாண்டின் நான்காவது காலாண்டில் வங்கியின் மொத்த வருமானம் 6.1 சதவீதம் உயா்ந்து ரூ.9,764.91 கோடியாக இருந்தது. இது, 2020-21-ஆம் நிதியாண்டில் ரூ.9,199.71 கோடியாக காணப்பட்டது.

கணக்கீட்டு காலாண்டில் வங்கியின் ஒட்டுமொத்த நிகர லாபம் ரூ.926.22 கோடியிலிருந்து 51 சதவீதம் அதிகரித்து ரூ.1,400.64 கோடியானது.

2021-22 முழு நிதியாண்டில் வங்கியின் ஒட்டுமொத்த லாபம் ரூ.2,930.10 கோடியிலிருந்து 64 சதவீதம் உயா்ந்து ரூ.4,805.03 கோடியைத் தொட்டது. மொத்த வருவாய் ரூ.35,500.68 கோடியிலிருந்து ரூ. 38,230.07 கோடியாக அதிகரித்தது.

2022 மாா்ச் 31 நிலவரப்படி வழங்கப்பட்ட கடனில் மொத்த வாராக் கடன் 2.67 சதவீதத்திலிருந்து 2.27 சதவீதமாகவும், நிகர வாராக் கடன் 0.69 சதவீதத்திலிருந்து 0.64 சதவீதமாகவும் குறைந்துள்ளன.

2021-22 நிதியாண்டுக்கு பங்கு ஒன்றுக்கு ரூ.8.50 ஈவுத்தொகை வழங்க நிறுவனத்தின் இயக்குநா் குழு ஒப்புதல் வழங்கியுள்ளதாக இன்டஸ்இண்ட் வங்கி தெரிவித்துள்ளது.